भांगरभूंय | प्रतिनिधी
भांगरभूंय । प्रतिनिधी
वाळपयः कोपार्डें हांगच्या पारंपरीक शिगमोत्सवाक सोमारच्यान सुरवात जाली. होळे पयलीं देवस्थानाचे कळस पोरण्या देवळांत मिरवणुकेन व्हेले. सांजे होळी जाल्या उपरांत रात्रीं उसरां पारंपरीक चोरोत्सव जालो. ह्या उत्सवांत दरेका घरा चोरांचे पूजन करपाची परंपरा आसा.
मंगळारा दनपारां पालखी उत्सव जातलो. रातयां घोडेमोडणी जातली. ती पळोवपाक लोक व्हडा संख्येन येतात. कोपार्डे गांवचे परंपरेचो व्हो एक बरो नमुना आसता. बुधवारा पारंपरीक करवल्यांचो उत्सव जातलो. पयलीं देवळांत ओटी भरपाचो आनी नवस पुरो करपाची कार्यावळ जातली. उपरांत गांवांत दरेका घराच्या आंगणांत करवल्या वतल्यो. तांचे पूजन आनी पारंपरीक गायन आनी वादन जातलें.
बिरेस्तारा देवीचे सगळे कळस गावांतल्या घरांनी वचून दर्शन दितले. शिगमोत्सवाची न्हाणोत्सवान समारोप जातलो. देवस्थानाच्या धर्मीक विधींत व्हो उत्सव पवित्र मानतात. ठाण्याचे मळ हे सुवातेर धर्मीक विधी पुराय जातगीर देवीच्या कळसांची गांवांत मिरवणूक काडटले. मिरवणुकेंत भावीक व्हडा संख्येन वांटेकार जातात. गांवांतलें वातावरण ह्या वेळार सामकें भक्तिभावान भरता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
