भांगरभूंय | प्रतिनिधी
केरळांतलें गोश्रीपूर कोंकणी केंद्र आनी कोंकणी भाषा प्रचार सभा हांणी जोडपालवान 53 वें प्रतिमास कोंकणी कवी संगम – ‘शोभकृत ज्येष्ठ’ कोचींतल्या कोंकणी भाशा भवनांत आयोजीत केलें.
प्रार्थने उपरांत कोंकणी केंद्रा वतीन एस. चित्तरंजन नायक हांणी सगळ्या कवींक येवकार दिलो. मागीर जाल्ल्या कवी गोश्टींत एन. माधव रावु (कृष्णाली बाललील), गोश्रीपुरं हरिकुमार (सोकणी), एन सदानन्द कम्मत (भूमातेचेरि मनुष्यांले दुष्कर्म), के. रंजित कुमार भट (ओणम), के. एन. आर. भट (कर्मफल), विजयकुमार एन. पै (कविता म्हजी), आर. रामानन्द प्रभु (तिम्मून पावलीं, लव मॅरेज), वसन्तकुमारी पी. एस. (कृष्णु, वर्षकालु), आर. एस. भास्कर (जिम्मी जिम्मी पावसा), एन. बालकृष्ण मल्ल्या (जीव रूकाची फुलां, मिटाचें बावलें), टी. उमेश भट (आत्माक परिहासु कोरनक्काय), धन्या जी मल्ल्या (हांव तेर्यापन्नावेलो उदका थेंबो), पंकज आशर (कविता) ह्या कवीनीं कविता सादर
केल्यो.
मागीर, वाचिल्ल्या कवितांचेर चर्चा घडली. प्रार्थने उपरांत बसका सोंपली. ह्या वेळार स्तंभ लेखिका, इतिहासकार डॉ. प्रतिमा आशर उपस्थित आशिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
