भांगरभूंय | प्रतिनिधी
मडगांव, प्रतिनिधी : कोकण रेल्वे मार्गार आरवली रोड ते रत्नागिरी विभागा मजगतीं मालमत्तेची देखभाल दुरुस्तीच्या कामां खातीर १२ एप्रिलाक अडेज वरां मेगाब्लॉक घेतला. हाका लागून दोन गाडयांचेर परिणाम जातलो.
कोकण रेल्वे मार्गार १२ एप्रिलाक सकाळीं ७ ते ९.३० ह्या वेळार आरवली रोड ते रत्नागिरी विभागा मजगतीं रेल्वेच्या मालमत्तेच्या देखभालीच्या कामा खातीर अडेज वरांचो मेगाब्लॉक घेवपाचो निर्णय घेतला. ताका लागून रेल्वे सेवेचेर परिणाम जातलो. गाडी क्र. १२६१७ एर्नकुलम जंक्शन ते हजरत निजामुद्दीन एक्स्प्रेसचो ११ एप्रिलाक सुरु जावपी प्रवास मडगांव जंक्शन ते रत्नागिरी स्टेशना मजगतीं १ वर ४५ मिनिटां खातीर नियमीत करतले.
गाडी क्र. २०९२३ तिरुनेलवेली – गांधीधाम एक्सप्रेसचो ११ एप्रिलाक सुरू जावपी प्रवास मडगांव जंक्शन ते रत्नागिरी स्टेशना मजगतीं १ वर १० मिनिटां खातीर नियमीत करतले. प्रवाशांनी हाची नोंद घेवची असो उलो रेल्वे प्रशासनान मारला.
मजगतीं, होन्नावर स्टेशना वयल्या पॉयंट क्रमांकाचे बदले खातीर १० एप्रील ते १३ एप्रील मेरेन मेगाब्लॉक घेतले. हाका लागून गाडी क्र. २२६५३ तिरुवनंतपुरम सेंट्रल ते एच. निजामुद्दीन एक्स्प्रेसचो १३ एप्रिलाक सुरू जावपी प्रवास मानकी स्टेशनार ४० मिनटां खातीर नियमीत करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
