भांगरभूंय | प्रतिनिधी
मडगांव : गणेश उत्सवा मजगतीं प्रवाशांची जावपी गर्दी उणी करपा खातीर कोकण रेल्वे मार्गार मडगांव जंक्शन ते पनवेल मजगतीं विशेश गाडयो सोडपाचो निर्णय घेतला. गाडी क्रमांक ०१४२८ /०१४२७ मडगांव जंक्शन – पनवेल – मडगांव जंक्शन विशेश गाडयो सोडल्यात.
गाडी नंबर ०१४२८ मडगांव जंक्शन ते पनवेल ही गाडी मडगंाव जंक्शन हांगच्यान १५ सप्टेंबर दिसा सकाळीं साडे णव वरांचेर सुट्टली आनी त्याच दिसा ही गाडी २२.१५ वरांचेर पनवेल पावतली.
गाडी नंबर ०१४२७ पनवेल – मडगांव जंक्शन ही गाडी पनवेल हांगच्यान १५ सप्टेंबर दिसा २३.४५ वरांचेर सुट्टली आनी दुसर्या दिसा ११ वरांचेर ही गाडी मडगांव जंक्शना कडेन पावतली. २० डब्यांची ही गाडी करमळी, थिवी, सावंतवाडी रोड, झाराप, कुडाळ, सिंधुदुर्ग, कणकवली, नांदगाव रोड, वैभववाडी रोड, राजापूर रोड, विलवडे, आडवली, रत्नागिरी, संगमेश्वर रोड, आरवली रोड, सावर्डा, चिपळूण, खेड, वीर, माणगाव रोहा आनी पेण स्टेशन हांगां रावतली.
वयल्या गाडयांच्या तपशीलाचेर स्टेशनां आनी वेळा खातीरwww.enquiry.indianrail.gov.in हे वेबसायटीक भेट दिवची. तशेंच एनटीईएस ऍप डाउनलोड करूं येता. प्रवाशांनी हे सेवेचो लाव घेवचो, असो उलो रेल्वेन मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
