भांगरभूंय | प्रतिनिधी
मडगांव : नातलां आनी नव्या वर्सा खातीर रेल्वे प्रवाशांची गर्दी उणी जावची म्हणून अहमदाबाद – थिये – अहमदाबाद (सप्तकांत दोन फावटीं) विशेश गाडी सुरु करपाचो निर्णय घेतला.
रेल्वे प्रशासना वतीन दिल्ले म्हायती प्रमाण, गाडी क्रमांक ०९४१२ अहमदाबाद – थिवे (दोन-सप्तकां) विशेश गाडी अहमदाबादच्यान ८ डिसेंबर २०२४ आनी १ जानेवारी २०२५ मेरेन दर आयतार आनी बुधवार १४:१० वराञचेर सुट्टली. ही रेल्वे दुसर्या दिसा ११ वरांचेर थिये पावतली. जाल्यार रेल्वे नंबर ०९४११ थिवे – अहमदाबाद (द्वि-सप्तक) ही विशेश गाडी ९ डिसेंबर २०२४ ते २ जानेवारी २०२५ ह्या काळांत दर सोमार आनी बिरेस्तार ११.४० वरांचेर थिये रेल्वे स्टेशना वेल्यान सुट्टली. ही गाडी दुसर्या दिसा ८.४५ वरांचेर अहमदाबादाक पावतली. ही १५ डब्यांची गाडी आणंद, वडोदरा, भरूच, उधना जंक्शन, वलसाड, वापी, पालघर, वसई रोड, पनवेल, रोहा, माणगाव, खेड, चिपळूण, संगमेश्वर रोड, रत्नागिरी, राजापूर रोड, कणकवली, कुडाळ आनी सावंतवाडी रोड स्टेशनार थारतली. ह्या गाडयांचे स्टॉप आनी वेळे खातीर www.enquiry.indianrail.gov.in चेर वा एनटीईएस ऍपार म्हायती घेवची. ह्या गाडयांची बुकींग ७ डिसेंबराक सगळे प्रवासी आरक्षण प्रणाली, इंटरनेट आनी आयआरसीटीसी वेबसायटीचेर सुरू जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
