कोंकण रेल्वे मार्गा वयल्यो गाडयो रद्द

भांगरभूंय | प्रतिनिधी

मडगांव, प्रतिनिधी ः कोंकण रेल्वे मार्गावयल्या पेडणेंच्या बोगद्यात रातीं 3 वरांचेर परतून चिखल भरलो. हाका लागून कोंकण रेल्वे मार्गा वयल्यो वंदे भारत, जनशताब्दी, मांडवी, सावंतवाडी- दिवा आनी मुंबय- मंगळुरू सयत णव गाडयो रद्द केल्यात जाल्यार मंगला एक्सप्रेस सयत आतां मेरेन णव गाडयो पनवेल, लोणावळा, पुणे मिरज मडगांव मार्गा वयल्यान वळयल्यो.
कोंकण रेल्वे मार्गा वयल्या मडुरे ते पेडणें विभागा मदल्या पेडणें बोगद्यांत 9 तारखेक दनपारां ट्रॅकाचेर उदका वांगडा गाळ आयलो. देखून देखरेखीचें काम सोंपतकच सांजवेळा 6.30 वरांचेर थांबयल्ली रेल्वे सेवा परतून सुरू केली. पूण रातीं सुमार 3 वरांचेर परतून त्याच सुवातेर उदक येवपन गाळ भरिल्ल्यान रेल्वे सेवेचेर परिणाम जाला.

रद्द केल्ल्यो गाडयो

गाडी क्रमांक 22229 मुंबय सीएसएमटी – मडगांव जंक्शन वंदे भारत एक्सप्रेसाचो 10 तारखेक सुरू जावपी प्रवास, गाडी क्र. 12051 मुंबय सीएसएमटी – मडगांव जंक्शन जनशताबदी एक्सप्रेस, गाडी क्र. 10103 मुंबय सीएसएमटी – मडगांव जंक्शन मांडवी एक्सप्रेस, गाडी क्र. 12133 मुंबय सीएसएमटी – मंगळूरू जंक्शन एक्सप्रेस, गाडी क्र. 10104 मडगांव जंक्शन मुंबय सीएसएमटी मांडवी एक्सप्रेस, गाडी क्र. 50108 मडगांव जंक्शन सावंतवाडी रोड प्रवासी गाडी, रेल्वे क्रमांक 22120 मडगांव जंक्शन मुंबय सीएसएमटी तेजस एक्सप्रेस, गाडी क्र. 12052 मडगांव जंक्शन मुंबय सीएसएमटी जनशताबदी एक्सप्रेस, गाडी क्र. 10106 सावंतवाडी दिवा एक्सप्रेस, गाडी क्र. 12449 मडगांव जंक्शन चंडीगड एक्सप्रेस, गाडी क्र. 12620 मंगळूर सेंट्रल – लोकमान्य तिलक (टी), गाडी क्र. 12134 मंगळूरू जंक्शन मुंबय सीएसएमटी एक्सप्रेस आनी गाडी क्र. 50107 सावंतवाडी रोड – मडगांव जंक्शन गाडी हांचो 10 तारखेचो प्रवास रद्द केलां.

अंशतः रद्द केल्ल्यो गाडयो
गाडी क्र. 20111 मुंबय सीएसएमटी – मडगांव जंक्शन 9 तारखेक सुरू जाल्लो कोंकणकन्या एक्सप्रेसाचो प्रवास सावंतवाडी रोड सोंपता आनी सावंतवाडी रोड – मडगांव जंक्शन हांचे मदीं अंशतः रद्द जातलो.
गाडी क्र. 12619 लोकमान्य तिलक (टी) – मंगळूरू सेंट्रल मत्स्यगंधा एक्सप्रेस 9 तारखेक सावंतवाडी रोड मेरेन आसतली. सावंतवाडी रोड – मंगळूरू सेंट्रल अंशतः रद्द जातली.

वळयल्ल्यो गाडयो
गाडी क्र. 12618 एच. निजामुद्दीन – एर्नाकुलम जंक्शन मंगला एक्सप्रेसाचो 9 तारखेचो प्रवास पनवेल – लोणावळा- पुणे – मिरज – लोंडा – मडगांव मार्गान वळयला.
गाडी क्र. 19577 तिरुनेलवेली – जामनगर एक्सप्रेसाचो 9 तारखेचो प्रवास आतां कुमता सावन शोरानूर जंक्शन वरवीं वळयला.
गाडी क्र. 16336 नागरकोइल गांधीधाम एक्सप्रेसाचो प्रवास आतां उडुपी सावन शोरानूर जंक्शनांतल्यान वळयतले. गाडी क्र. 12283 एर्नाकुलम – एच. निजामुद्दीन एक्सप्रेसाचो प्रवास जोकट्टे सावन शोरानूर जंक्शनांतल्यान वळयतले. गाडी क्र. 22655 एर्नाकुलम – एच. 10 तारखेचो निजामुद्दीन एक्सप्रेसाचो प्रवास थलास्सेरी सावन शोरानूर जंक्शनांतल्यान वळयतले. गाडी क्र. 16346 तिरुवनंतपुरम सेंट्रल – लोकमान्य तिलक (टी) एक्सप्रेसाचो प्रवास तिरुवनंतपुरम सेंट्रलांतल्यान 16.55 वरांचेर परतून वेळापत्रक करून शोरानूर जंक्शनांतल्यान वळयला.
गाडी क्र. 16345 लोकमान्य तिलक (टी) – तिरुवनंतपुरम सेंट्रल एक्सप्रेस आतां सांवंतवाडी रोडाक पनवेल-पुणे जंक्शन- सोलापूर जंक्शनांतल्यान परतून फाटल्या मार्गान वळयतले.
गाडी क्र. 22113 लोकमान्य तिलक (टी) – कोचुवेली एक्सप्रेसाचो प्रवास सिंधुदुर्गा सावन पनवेल – पुणे जंक्शन – सोलापूर जंक्शनांतल्यान फाटल्या मार्गान वळयतले. गाडी क्र. 12432 ह. निजामुद्दीन तिरुवनंतपुरम सेंट्रल एक्सप्रेस राजापूर रस्त्या वयल्यान पनवेल – पुणे जंक्शन – सोलापूर जंक्शनांतल्यान वळयतले.
गाडी क्र. 19260 भावनगर कोचुवेली एक्सप्रेस रत्नागिरीसावन पनवेल – पुणे जंक्शन – सोलापूर जंक्शनांतल्यान वळयतले. गाडी क्र. 12223 लोकमान्य तिलक (टी) – एर्नाकुलम एक्सप्रेस चिपळूण सावन पनवेल-पुणे जंक्शन- सोलापूर जंक्शनांतल्यान वळयतले. गाडी क्र. 20932 इंदूर जंक्शन – कोचुवेली एक्सप्रेस सूरत – जळगांव मार्गान वळयलो.
प्रवाशांनी ह्या रेल्वेच्या बदलाची नोंद घेवची असो उलो रेल्वे प्रशासनान केलां.

कळाव जाल्ल्यान प्रवाशांक त्रास
पावसाळ्या खातीर कोंकण रेल्वे मार्गाचेर गाडयांचो वेग उणो केला. ते भायर मध्य रेल्वे विभागांतल्या उदकाक लागून गाडयांक कळाव जाता. आतां पेडणेच्या ट्रॅकाचेर भरिल्ल्या उदकाक लागून ह्या मार्गाचेर सेवा रद्द केल्या. हाका लागून प्रवाशांक त्रास जाला. गाडयेची वाट पळोवपी प्रवाशांक दुसरो पर्याय सोदचो पडटा. काल साडेपांच वरां उपरांत परतून समस्या निर्माण जाल्यात.