भांगरभूंय | प्रतिनिधी
अंदूं 19 सप्टेंबराक चवथ आयल्या. कोंकण रेल्वेच्यो चवथी खातीर खाशेल्यो गाडयो सादारण १२ सप्टेंबर सावन सुरू जातल्यो. ह्या गाडयो आनी नियमित रेल्वेचो सरासरी आंकडो 300 च्या घरांत वता. सावंतवाडी, मडगांव, करमळी मेरेन गेल्ल्यो खाशेल्यो रेलगाडयो 15 ते 26 सप्टेंबर मेरेन कोंकण रेल्वे मार्गा वयल्यान परत धाडचे परस मडगांव- लोंढा- मिरज- पुणे- कर्जत- पनवेल मार्गान खाशेली रेलगाडी म्हूण धाडच्यो.
ताका लागून गोंय, बेळगांव, अस्तंत महाराष्ट्रांतल्या लोकांक पुण्यांतल्या खाशेल्या गणपतीचें दर्शन घेवपाक मेळटलें. ताका लागून कोंकण रेल्वे मार्गा वयलें येरादारी वेळापत्रक इबाडटा, तें इबाडचें ना. परतीच्या मार्गाचेर लोंढा- मिरज मार्गान पुण्यां वचपी लोकांक ह्यो खाशेल्यो रेलगाडयो उपेगी पडटल्यो. हाचेर कोंकण रेल्वेन गांभीर्यान विचार करपाक जाय. हाचो फायदो कोंकण रेल्वेक जातलो. कोंकण रेल्वेचो संस्थापक वांगडी ह्या नात्यान ही सुचोवणी.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
