भांगरभूंय | प्रतिनिधी
सांखळे: सांखळेच्या डॉ. के. ब. हेडगेवार विद्यामंदीर शाळेच्या यत्ता णववेंत शिकपी विद्यार्थी पार्थ कामत सातोस्कार हाची अखिल भारतीय कोंकणी कविता वाचन सर्ती खातीर राष्ट्रीय पांवड्यार निवड जाली. ही सर्त कविता ट्रस्ट, मंगळुरू हांचे वतीन पणजे आयोजीत केल्ली.
हे सर्तींत गोंयांतल्या विवीध शाळेंतले विद्यार्थी वांटेकार जाल्ले. पार्थ हाणें सादरीकरणान सगळ्यांचें लक्ष ओडून घेतलें.
कविता ट्रस्ट, मंगळुरू ही संस्था कोंकणी कविता आनी साहित्याक उर्बा दिवपाक कार्यरत आसा. हे सर्ती वरवीं विद्यार्थ्यांक आपली प्रतिभा सादर करपाची संद मेळिल्ली. पार्थ कामत सातोस्काराच्या ह्या येसाक लागून शाळेचें नांव पर्जळ्ळां. शाळेचे मुख्याध्यापक, शिक्षकांनी पर्जळीत फुडारा खातीर ताका परबीं भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
