भांगरभूंय | प्रतिनिधी
पणजी, प्रतिनिधी : केरी – सत्तरींतल्या श्री सांतेरी आजोबा देवस्थानाच्या दुरुस्ती आनी सोबितीकरणा खातीर आमदार येवजणेंतल्यान २.५० कोटी रुपया मंजूर केल्यात. हे विशीं भौशीक बांदकाम खात्यान वर्क ऑर्डर काडल्या. कंत्राटदाराक हें काम मान्सून काळांत धरून ३३० दिसांनी पुराय करचें पडटलें.
हे विशीं उलयतना मनोहर दोड्डालिंगमवार हांणी, आमदार-एलएडी येवजणे खाला केरी हांगच्या श्री सातेरी आजोबा मंदिराच्या दुरुस्ती आनी सोबितीकरणा खातीर वर्क ऑर्डर काडटले. हें देवूळ, आपल्या समुदायाच्या सांस्कृतीक आनी आध्यात्मीक दायज. बेगीनूच हाचें वैभव पुनर्सन करतले. तशेंच देवळा भोंवतणचो वाठारूय सुदारतले, अशें तांणी सांगलें.
ह्या प्रकल्पाक मंजुरी दिल्ले खातीर आनी उदरगतीच्या यत्नांक दिल्ल्या सहकार्या विशीं आमी मुख्यमंत्री डॉ. प्रमोद सावंत हांचे उपकार मानतात. आमी हो प्रकल्प पुराय जावपाची वाट पळयतात. श्री सांतेरी अजोबा मंदीर गोंय राज्यांतल्या दरेका खातीर पुजा आनी सामुदायीक मेळाव्या खातीर चड सोबीत आनी निर्मळ सुवात करपाचो आमचो यत्न आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
