भांगरभूंय | प्रतिनिधी
भांगरभूंय । प्रतिनिधी
म्हापशेंः सिकेरी- कांदोळी हांगा केरळांतल्यान पर्यटकांक घेवन आयिल्ल्या बशीच्या ड्रायव्हराक धमकी दिवपाचो प्रकार घडिल्लो. ते विशीं थळावो बस ड्रायव्हर अभन नायकान सोशल मीडियांतल्यान ताची माफी मागली.
दोन दिसां पयलीं हो प्रकार जाल्लो. केरळांतल्या एका टूर अॅण्ड ट्रॅव्हल्स कंपनीची बस केरळच्या लोकांक घेवन आय़िल्ली. बस ड्रायव्हरान तांका सिकेरी हांगा आग्वाद किल्लो पळोवपाक हाडल्लें. हांगा ताका थळावे बस ड्रायव्हर त्या ड्रायव्हरा कडेन वाद घालपाक लागले. अभय नायकान ताचो व्हिडिओ काडलो आनी केरळांतल्यान जर बशींनी पर्यटकांक हाडपाक लागले जाल्यार आमी गोंयांतल्या बसवाल्यांनी किंदें खावपाचें अशें सांगून ताणे ताचो व्हिडिओ सोशल मीडियाचेर पोस्ट केल्लो. अशे तरेन गोंयांत बशी हाडल्यार तो फोडटले वा तांका उजो लायतले अशें ह्या पोस्टांत म्हणल्लें. व्हो व्हिडिओ व्हायरल जातगीर लोकांनी तांचो निशेध केल्लो.
निमाणे बुधवारा अभय नायकान व्हिडिओ पोस्ट केलो ही आपली चूक जाली अशें सांगून माफी मागली. केरळ आनी हेर कडच्या पर्यटकांनी गोंयांत येवचें आमी तांका येवकार दितले. जी चूक आमचे कडल्यान जाल्या ती परत जावची ना अशें ताणे आनीक एक व्हिडिओ पोस्ट करून सांगलां. बस ड्रायव्हराक धमकी दिल्ले खातीर पुलिसांत कागाळ करूंक नाशिल्ली. ताका लागून अभय नायक हाचेर कसलीच कारवाय जाली ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
