भांगरभूंय | प्रतिनिधी
फोंडें, प्रतिनिधी: केरये- खांडेपारा बिरेस्तारा सकाळीं रस्त्यार वोल्त घेवपी ट्रकाक दुचाकीचो धपको बशिल्ल्या दीपराज दासू नायक (३५, भामई- पाळी) हो दुचाकी चालक जखमी जालो. जखमीक फुडल्या उपचारा खातीर जीएमसींत दाखल केला. ताचेर उपचार सुरू आसात. फोंडें पुलिसांनी अपघाताचो पंचनामो केलो.
मेळिल्ले म्हायती प्रमाण जीए- ०४- के- ७३६९ हया क्रमांकाची दुचाकी खांडेपारच्यान फोंड्यां वताली. केरये पावतांच रस्त्याचेर वोल्त घेवपी जीए -०५- टी – २६५३ ह्या ट्रकाक दुचाकीन धपको दिल्ल्यान दुचाकी चालक जखमी जालो. जखमीक १०८ ऍम्बुलन्सींतल्यान उपजिल्लो हॉस्पिटलांत दाखल केलो. उपरांत ताका चड उपचारा खातीर जीएमसींत धाडलो. फोंडेंचे पुलीस हवालदार देविदास पर्येंकार हांणी पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
