भांगरभूंय | प्रतिनिधी
फोंडें: केरये-खांडेपारा दुचाकीक फाटल्यानच्यान दुसरे दुचाकीन धपको दिलो. ह्या अपघातांत वनिता विठोबा डोईफोडे (केरये – खांडेपार) आनी इमरान खान ( तिस्क उसगांव) हे दोग जाण जखमी जाले. जखमींक १०८ ऍम्बुलन्सींतल्यान उपजिल्लो हॉस्पिटलांत दाखल केले. फोंडें पुलिसांनी अपघाताचो पंचनामो केलो.
मेळिल्ले म्हायती प्रमाण, जीए -०५-के -६२२१ नंबराची स्कुटर घेवन वनिता डोईफोडे ही बायल फोंडेंच्यान खांडेपारा वताली. केरये पावतांच फाटल्यानच्यान येवपी जीए -१२-बी -६८४६ नंबराचे दुचाकीचो धपको बशिल्ल्यान ती रस्त्यार पडली आनी जखमी जाली. जखमींक रोखडेंच १०८ ऍम्बुलन्सींतल्यान हॉस्पिटलांत व्हेलीं. फोंडें पुलीस हवालदार सज्योत सावंत हांणी अपघाताचो पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
