भांगरभूंय | प्रतिनिधी
भांगरभूंय । प्रतिनिधी
केंपेंः केंपे पालिका वाठारांत सुमार 10 कोटी रुपये खर्च करून 3 हजार चौखण मीटर सुवातेंत वाहनाच्या पार्किंगाची वेवस्था करतले. ह्या कामाक सुरवात केल्या . आदलो उपमुख्यमंत्री चंद्रकांत (बाबू) कवळेकार आनी केंपें पालिका मंडळाची नगराध्यक्ष सुचिता शिरवयकार, उपनगराध्यक्ष विल्यम फर्नांडीस, नगरसेवक प्रसाद फळदेसाय, चेतन हर्णकार, गणपत मोडक, जिल्हो पंचायत वांगडी संजना वेळीप हांणी ह्या कामाची पळोवणी केली.
केंपें पालिका कार्यालया सामकारच्यान पाड्या वचपी खारीज पुरोवन थंय पार्किंगा खातीर सुवात तयार करतले. सध्या केंपें पालिका वाठारांत वाहनां उबीं करून दवोरपाक बरीच तकालस जाता. सुमार 3 हजार चौखण मीटर सुवातेंत पार्किंग वेवस्था जातकूच पार्किंगाचो प्रश्न सुटावो जातलो अशें कवळेकारान सांगलें. काम बेगीन पुराय करपा कडेन लक्ष दितले अशें सुचिता शिरवयकारान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.