भांगरभूंय | प्रतिनिधी
आजच्या काळांत फकत पदवी घेवन उपेग ना, तर कुशळटाय शिकप ही काळाची गरज जाल्या. सरकारी कॉलेजांनी शिकपी विद्यार्थ्यांक कुशळटाय शिक्षण मेळचें, ह्या हेतूने गोंय सरकारान कर्नाटकांतले एके संस्थे गडा कबलात केल्या. हाचो फायदो कला आनी वाणिज्य शाखेच्या निमण्या वर्सांत आशिल्ल्या विद्यार्थ्यांक जातलो. हें कुशळटाय शिक्षण रोजगार मेळपा खातीर उपेगी पडटलें.
गोंय सरकार बेरोजगारां खातीर जायत्यो येवजणो हाडटा, पूण बेरोजगारांची संख्या वाडची न्हय, म्हणून हाडिल्लो हो एक तातडीचो उपाय आसा. सारस्वत कॉलेजीचे प्राचार्य डॉ. पाटकार हांकां हो प्रस्न पयलींच पडिल्लो, म्हणून तांणी उद्येजकांक आपोवन विद्यार्थ्यां खातीर खास कार्यक्रम दवरिल्लो. तातूंत उद्येजकांक कसली गरज आसा, हें विद्यार्थ्यांक समजलें. आता नव्या धोरणा उपरांत शिक्षण पद्दतींत बदल दिसूंक लागल्यात.
कुशळटायेची मागणी
आज कुशळटायेक भरपूर मागणी आसा. तुमच्या गांवांत एखादी गरज आसत, जाल्यार ती तुमकां पळोवं येता? देखिक, एका दुयेंत मनशाक बेगोबेग हॉस्पिटलांत व्हरपाक गाडयेची गरज आसता. त्या वेळार गाडी चलोवपाची कुशळटाय कितली म्हत्वाची, हें दिसून येता. आज खाजगी बँको वा विमा कंपनींत नोकरी दितना ड्रायव्हिंग येवपी उमेदवारांक पसंती दितात.
गोंयचे पयले मुख्यमंत्री दयानंद बांदोडकार हांणी गांवांगांवांनी शाळा सुरू करून शिक्षण घराघरांनी पावोवपाचें काम केलें. तेच धर्तेर प्रत्येक तालुक्यांत आयटीआय केंद्रां आसात. तीं वेगवेगळ्यो कुशळटायो शिकयतात. धावी- बारावी पास जाल्ल्या विद्यार्थ्यां खातीर ही एक बरी संद आसा.
आज प्लंबर वा इलेक्ट्रिशियन मेळप कुस्ताप आसा. ते जे पयशे मागतात ते दिवचे पडटात, कारण तांची संख्या उणी आसा. जर तुमकां गोंयांत शिक्षण घेवप शक्य ना, तर कोल्हापूरा शिक्षण घेवपाची सुविधा आसा. ‘सॅमसन लोबो’ हांचे संस्थेन नोकरेच्या अणभवाचे आनी खात्रीशीर नोकरी मेळपा सारके कोर्सेस सुरू केल्यात.संस्थेचे अभ्यासक्रम
डाॅ. रामदास केळकार
9822583275
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
