कुशल, हसरंगा मुखेली

भांगरभूंय | प्रतिनिधी

श्रीलंका क्रिकेट मंडळान झिम्बाब्वे आडचे वन डे आनी टी-20 माळे खातीर मुळाव्या पंगडाची घोशणा केली. हातूंत बॅट्समन कुशल मॅण्डिस वन डे पंगडाचें आनी अश्टतासांचो खेळगडो वानिंदू हसरंगा टी-20 पंगडाचें फुडारपण करतलो. बॅट्समन चरिथ असलंका दोनूय पंगडांचो उप मुखेली आसतलो.

अंदूं भारतांत जाल्ले संवसारीक सर्तींत शनाकाक दुखापतीक लागून खेळपाक मेळूंक नाशिल्लें. ते उपरांत मॅण्डिसाक मुखेली केल्लो.

श्रीलंकेचो पंगड झिम्बाब्वेचे भोंवडेर 6 ते 11 जानेवारी मेरेन वन डे माळ आनी 14 ते 18 जानेवारी मेरेन टी-20 माळ खेळटलो.

वन डे पंगडः कुशल मॅण्डिस (मुखेली), चरिथ असलंका (उप मुखेली), पथुम निसांका, अविष्का फर्नांडो, सदीरा समरविक्रमा, सहान अराचिगे, नुवानिदु फर्नांडो, दासून शनाका, कामिंडु मॅण्डिस, चमिका करुणारत्ने, जेनिथ लियानगे, वानिंदू हसरंगा, महीश थीक्षाणा, दिलशान मदुशंका, दुशमंथा चमीरा, डुनिथ वेलालेज, प्रमोद मदुशन, असिथा फर्नांडो, अकिला धनंजय, जेफ्री वेंडरसे, चमिका गुणसेकरा.

टी-20 पंगडः वानिंदू हसरंगा (मुखेली), चरिथ असलंका (उप मुखेली), पथुम निसानाका, कुशल मॅण्डिस, सदीरा समरविक्रमा, दासून शनाका, अॅंजेलो मॅथ्यूज, धनंजय डिसिल्वा, महीश थीक्षाणा, कुशल जेनिथ परेरा, भानुका राजपक्षे, कामिंडू मॅण्डिस, डुनिथ वेललागे, अकिला धनंजय, जॅफ्री वांडरसे, चमिका करुणारत्ने, दुष्मंथा चमिरा, दिलशान मदुशंका, बिनुरा फर्नांडो, नुवान तुषारा, प्रमोद मदुशन, मथीशा पथिराणा.