भांगरभूंय | प्रतिनिधी
भांगरभूंय । प्रतिनिधी
फोंडेंः कुंडय गणेश मंडळान सामाजीक वावरांत फुडाकार घेवन विद्यार्थ्यांक उर्बां दिवपाचें काम केलां. तांका शिक्षण घेवपाक उमेद मेळची हे खातीर केल्लो हो भोवमान तांकां खऱ्यांनीच प्रेरणा दितलो अशें उद्देजक संतोष महानंदू नायक हांणी सांगलें.
कुंडय गणेशोत्सव मंडळान कुंडय वाठारांतल्या धावी आनी बारावेचे परीक्षेंत विशेश प्राविण्य मेळयल्ल्या विद्यार्थ्यांच्या भोवमान कार्यावळींत मुखेल सोयरे म्हणून ते उलयताले. माचयेर निवृत्त मुख्याध्यापक सुरत कुंडयकार, मिथून वैद्य, मंडळाचो अध्यक्ष संजय भंडारी, सचीन नागेश फडते आनी म्हायती खात्याचे अधिकारी शांतो नायक आशिल्ले.
पालकांनी आपल्या भुरग्यांचेर बरे संस्कार करपाची गरज आसा. भुरग्यांनी दोळे आनी कान उगडे दवोरून जिज्ञासू वृत्तीन वास्तवाकडेन पळोवपाक जाय. आपूण समाजाक कितें दितलो, सामाजीक लागणूक म्हणून म्हजें योगदान कितें आसतलें हाचो विचार करपाक जाय अशें संतोष नायक हांणी सांगलें.
स्वागत करून संजय भंडारी हांणी प्रास्तावीक केलें. शैलेश च्यारी हांणी सूत्रसंचालन केलें जाल्यार प्रशांत फडतेन उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
