भांगरभूंय | प्रतिनिधी
भांगरभूंय । खबरां मेज
पणजीः कुंडय हांगच्या न्यू इंग्लिश शाळेंत स्मार्ट वर्गाचें उक्तावण जालें. ह्या वेळार मुखेल सोयरो म्हणून व विपुल भुताडा, मानाचो सोयरो म्हणून मनोज बनसाली, रायबागी, तुषार तेंडुलकार, सेंत्रो एदुकादोर सोसायटीचो अध्यक्ष विजयकुमार कामत, सचीव संजय प्रियोळकार आनी मुख्याध्यापिका उषा नायक हाजीर आशिल्ली.
कार्यावळीची सुरवात येवकार गीतान जाली. मुख्याध्यापिका उषा नायकान प्रास्तावीक करून मानेस्तांची वळख करून दिली. विपुल भुताडा हाणे विद्यार्थ्यांक मार्गदर्शन करतना स्मार्ट वर्गाचें म्हत्व सांगलें. ह्या स्मार्ट वर्गाचें आयोजन कोल्हापूर रावंट टेबल 154 हांणी प्रोक्टर अॅण्ड गेंबल्स हाच्या सहयोगान घडोवन हाडल्लें. तांच्या अंकित तयाल, सिद्धी पराळकर हांणी विद्यार्थ्यांचो आत्मविस्वास वाडयलो आनी फुडारा खातीर तांका येस आंवडलें. विजयकुमार कामत हाणे आयोजकांचे उपकार मानले. कार्यावळीचें सूत्रसंचालन शिक्षिका दीप्ती फडतेन केलें. संजय प्रियोळकारान कार्यावळी उपरांत सगल्याचे उपकार मानले. कार्यावळ जैतिवंत करपा खातर शिक्षक, विद्यार्थी आनी शिक्षकेतर कर्मचाऱ्यांनी परिक्षम घेतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
