भांगरभूंय | प्रतिनिधी
मडगांव, प्रतिनिधी : लिस्बन पुर्तुगालच्यान भायर सरिल्ल्या ऍम्बेसिडर क्रुझ लायनचे बोटीवयलो गोंयचो तरणाटो बेपत्ता जाला. हो तरणाटो कुंकळ्ळे रावपी. तो असिस्टंट इलेक्ट्रिशियन म्हणून बोटीचेर काम करतालो. बिरेस्तारा नास्तो केल्ल्याक तो बेपत्ता आशिल्ल्या बोटी वयले ताचे वांगडी ताचो सोद घेतात.
हे विशीं चड म्हायती प्रमाण, ऍम्बेसिडर क्रुझ लायनचे प्रवासी बोटीचेर कुंकळ्ळेचो तरणाटो असिस्टंट इलेक्ट्रिशियन म्हणून काम करतालो. बिरेस्तारा वांगड्यां सयत नाश्तो केले उपरांत तांणी आपली भलायकी बरी ना अशें सांगन तो आपले कुडींत वचपाक भायर सरलो. उपरांत तो सहकार्यांक परत दिसुंकूच ना. हे बोटीचेर आनी गोंयचे तारवटी काम करतात. हो तरणाटो बोटीर दिसूंक नाशिल्ल्यान आनी कामाक येवंक नाशिल्ल्यान ताच्या वांगड्यांनी बोटी वयल्या वरिश्टांक हाची म्हायती दिली. ताचो सोद घेवपाक बोट परत जंय तो सांडिल्लो थंय वळयली. ऍम्बेसिडर नांवाची ही बोट संवसारभरच्या दौर्याच्या निमाण्या टप्प्याचेर आशिल्लें. ऍम्बेसिडर क्रुझ लायनीन, कामगार आनी प्रवाशांची सुरक्षितताय पुरायेन घेतात अशें सांगलें.
गोवन सीमन असोसिएशन ऑफ इंडिया हे खलाशी संघटनेचे अध्यक्ष फ्रँक व्हिएगस हांणी, कुंकळ्ळेचो तरणाटो हे बोटीचेर कार्यरत आशिल्लो. तो असिस्टंट इलेक्ट्रीशियन म्हणून कार्यरत आशिल्लो. क्रुझाचेर ताचे वांगडी आजूनय ताचो सोद घेतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
