भांगरभूंय | प्रतिनिधी
पेडणें, प्रतिनिधी: कासारवर्णें हांगा एम एच झिरो ७ ए टी ११५० आनी जीए ११ २१२८ ह्या दोन दुचाकी वाहनां मदीं अपघात जावन सुजाता सातार्डेकार हे चलयेक मरण आयलें. जाल्यार फायजर फ्रान्सीस मास्कारेन्हस (२२) हो तरणाटो गंभीर जखमी जालो.
जीए ११२८ ही दुचाकी हंसापुर वताली. जाल्यार फुडल्यान सुजाता सातार्डेकार हें आपली दुचाकी घेवन येताले. तें मोपा विमानतळार कामाक आसले. कामा वयल्यान घरा वतना ओवर टेक करपाच्या नादांत सुजातान विरुद्ध दिकेन येवपी दुचाकीक धपको दिलो. ह्या अपघातांत सुजाता हाका जाग्यारूच मरण आयलें. जाल्यार फेजर हो गंभीर जखमी जालो. ताका जखमी अवस्थेंत हॉस्पिटलांत उपचारा खातीर धाडला. ह्या अपघाताचो पंचनामो मोपा पुलिसांनी केलो.
सुजाता सकाळीं कामा वयल्यान घरा वतना हो अपघात जालो.
पेडणें म्हालांत सध्या अपघातांचो आंकडो वाडतूच आसा. खुबशे जाण येरादारीचे नेम पाळिनाशिल्ल्यान, तशेंच अती वेगान वाहन चलयल्ल्यान हे अपघात घडटात. काल राष्ट्रीय महामार्ग ६६ धारगळ सुकेंकुळ हांगा सिंधुदुर्ग महाराष्ट्र हांगच्या पन्नास वर्सां पिरायेच्या एकल्याक मरण आयिल्लें.
हेंय वाचात
धारगळें म्हामार्गाचेर हिट अँड रन अपघात, एकल्याक मरण
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
