भांगरभूंय | प्रतिनिधी
फोंडें, प्रतिनिधी: उसगांव पंचायती मुखार रस्त्याचेर स्कुटर घेवन पडिल्ल्यान गंभीर जखमी जाल्ल्या टिपणा रामू वर्सेकार (४९, तिस्क उसगांव, मूळ अनमोड) हाका बुधवारा सकाळीं मरण आयलें. हो अपघात मंगळारा रातच्या सुमार ८.३० घडलो. घसघश्यांनी पडपी पावसाक लागून ताची स्कुटर निसरून हो अपघात घडिल्ल्याचो दुबाव उक्तायला. फोंडें पुलिसांनी अपघाताचो पंचनामो केलो.
मेळिल्ले म्हायती प्रमाण जीए – ०५ – ई – ६०७९ क्रमांकाची स्कुटर घेवन टिपणा वर्सेकार हो उसगांवच्या घरा वतालो. पंचायत मुखारच्या रस्त्यार घसघश्यांनी पडपी पावसांत ताची स्कुटर निसरली आनी तो गंभीर जखमी जालो. जखमीक १०८ ऍम्बुलन्सींतल्यान पिळयें मुळाव्या भलायकी केंद केंद्रात दाखल केलो. उपरांत जखमीक चड उपाचारा खातीर गोमॅकोंत धाडलो. गोमॅकोंत उपचार सुरु आसतना ताका आयज सकाळीं मरण आयलें.
निरीक्षक तुषार लोटलीकार हांच्या मार्गदर्शना खाला पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
