भांगरभूंय | प्रतिनिधी
कारवार, प्रतिनिधी : फाटले कांय दीस खर वत पडिल्ल्यान सगळ्यांक दिसतालें चवथी कडेन पावसा कडल्यान थाकाय मेळटली. पूण नेमको चवथीक येवपाक राविल्ल्या पावसान काल कारवारा घुरी घाली. कारवार शारांत काल मंगळारा रातीं अचकीत ढगफुटी जावन ह्या शाराक हुंवाराचें स्वरूप आयलें. सगळे रस्ते उदका पोंदाक गेले. लोकांक बरेच त्रास सोंसचे पडले.
मजगतीं, कारवारा रस्त्यांचेर उदक आयिल्ल्यान आरगा हांगा कृष्णानंद काणकोणकार आनी तांची घरकान्न स्कुटर धुकलीत त्या उदकांतल्यान वाट सोदतालीं. वाटेर तांचें भांगराच्यो वस्ती आनी पयशे आशिल्लें बॅग त्या उदकांत व्हांवून गेलें. तांचे वांगडा तांची धुवूय आशिल्ली. बॅग व्हांवून गेल्ल्याची कागाळ तांणी उजो पालोवपी दळाक दिली. रोखडेंच दळाच्या जवानांनी तें बॅग तांकां सोदून दिलें.
सुमार देड किलोमिटर भोंवून आनी ३-४ फूट खोल उदकांतलें बॅग तांकां काल रातचेंच उजो पालोवपी दळाच्या जवानांनी सोदून दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
