भांगरभूंय | प्रतिनिधी
म्हापशें, प्रतिनिधी ः कामुर्ली भरवनवाड्या वयल्या भारती चोडणकार हांच्या घराक उजो लागून सुमार 1.50 लाखांचें लुकसाण जालें. जाल्यार म्हापशें उजो पालोवपी दळाच्या जवानांनी उजो नियंत्रणात हाडून 5 लाखांची मालमत्ता वाटायली.
सोमारा सकाळीं साडेपांच सुमाराक ही घडणूक घडली. रांदचे कुडींतल्या फ्रिजांच्या शॉर्ट सर्किटाक लागून उजो लागलो. रांदचे कुडींतले फ्रिज, मिक्सर, ओव्हन, फॅन, दार आनी हेर विद्युत उपकरणां उज्यात लासलीं. जनेलांय फुटलीं.
प्रिया चोडणकार सकाळीं उठले उपरांत न्हिदपाच्या कुडींतल्यान भायर सरली तेन्ना घरांत धुंवर पाताळिल्लो दिसलो. जाल्यार रांदचे कुडींतलो फ्रिज उज्यात लासतालो. तिणें रोखडेंच भुरग्यांक उठयले आनी घरांतल्यान भायर सुरक्षीत सुवातेर व्हेले. उपरांत शेजाऱ्यांक कळयले आनी उजो पालोवपी दळाक आपयले.
उजो पालोवपी दळान उजो नियंत्रणांत हाडलो. म्हापशें उजो पालोवपी दळाचे अधिकारी अशोक परब हांच्या मार्गदर्शना खाला हवालदार विष्णु गावस, जी. एम. देसाय, परेश मांद्रेकार, साईराज नायक आनी प्रशांत सावंत हांणी उजो पालोवपाचो यत्न केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
