कान्स चित्रपट महोत्सवांत इफ्फीच्या पोस्टराचें उक्तावण

भांगरभूंय | प्रतिनिधी

पणजी, प्रतिनिधी : कान्सांत सुरू आशिल्ल्या चित्रपट महोत्सवांत गोंयांत नोव्हेंबरांत जावपी 55 व्या आंतरराष्ट्रीय चित्रपट महोत्सवाच्या पोस्टराचें उक्तावण केले. अंदुं 55 वो इफ्फी दर वर्सा प्रमाण 20 ते 28 नोव्हेंबर मजगतीं पणजे जातलो.

कान्स चित्रपट महोत्सवांत दर वर्सा भारत वांटेकार जाता. अंदुं कान्स महोत्सवांत भारत पव्हेलियनाचें उक्तावण जालें. हे वेळार म्हायती आनी वितरावण सचिव संजय जाजू आनी फ्रांन्सातले भारतीय राजदुत जावेद अश्रफ हाजीर आशिल्ले. भारत पव्हेलियन नेटवर्कींग , देवघेव आनी भारतीय चित्रपटाच्या प्रचारात मोलादीक भुमिका निभायतलें, अशें संजय जाजु हांणी सांगलें.

कान्स महोत्सवात भारतीय पव्हेलियनाचें उक्तावण जावप हो भारताच्या चित्रपटा खातीर म्हत्वाचो खीण आसा, अशें तांणी सांगलें.

जम्मु काश्मीर, कर्नाटक, गोंय , महाराष्ट्र आनी हेर राज्यां कान्स चित्रपट महोत्सवांत देशाचें प्रतिनिधीत्व करतात. चित्रीकरणाक उर्बा दिवपी येवजणेंची म्हायती भारत पव्हेलियनात दितले.