भांगरभूंय | प्रतिनिधी
मूंय आनी कबुतर
एक मूंय सकाळीं फुडें आपल्याक आनी आपल्या कुटुंबा खातीर जेवण सोदपाक भायर सरली. रानांत भोंवता भोंवता तिका बरीच तान लागली. ती उदक सोदपाक लागली. इतल्यान तिका न्हंयेच्या उदकाचो आवाज आयलो. मूंय न्हंये दिकेन चलपाक लागली. ती न्हंये कडेन पावतांची तिणें उदक पिवपाक न्हंये वटेन तोंड केलें. इतल्यान तिसो पांय निसरून ती न्हंयेंत पडली. न्हंयेचें उदक वेगान व्हांवतालें. मूंय न्हंयत बुचकळपाक लागली. थंयच एका झाडार बशिल्ल्या कबुत्तरान न्हंयत बुडपी मुंयेक पळयली. कबुत्तराक बुचकळपी मुंयेक पळोवन चुरचुरें दिसलें. मूंय बुचकळत, न्हंयच्या उदका वांगडा व्हांवत वताली. कबुतराक कितें करचें तें समजना जालें. तें मूंय फुडें वता तशी तशी न्हंये वयल्यान उडपाक लागलें. मदींच तांणी झाडा वयलें एक पान काडलें आनी ते मुंये कुशीक उडयलें. मूंय वेळ काडिनासतना त्या पानार चडली. कांय वेळान पान येवन न्हंये कुशीक तेकलें. कबुतर वचून एका झाडार बसलें.
मूंय पाना वयल्यान देंवून न्हंये भायर आयली. इतल्यान मूंयेन एक शिकारी तिका वाटायल्ल्या कबुत्तराचेर नेम धरून आसा हें पळयलें. कबुतराक हाची सुलूस लेगीत नाशिल्ली. कबुतर आपलेच धुंदीन आशिल्लें. कबुतराचेर गुळी मारपाक इतल्यान मूंय त्या शिकार्याक चावता. मूय चाबिल्ल्यान शिकारी आरड मारता. ताका तें दुखता. आरड मारिल्ल्यान कबुतराचें लक्ष शिकार्याचेर वता. शिकार्याक पळोवन कबुतर थंयच्यान पळ काडटा. हांगा मुंयेक कबुतराचो जीव वाटयल्ल्याची खोस भोगता आनी कबुतर आपलो जीव वाटवलो म्हणून उमेदीन उडटा.
देख: वळख आशिल्ल्यांचीच न्हय तर अनवळख्यांची लेगीत मजत करची. ताचें फळ तुमकां नक्की मेळटलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
