भांगरभूंय | प्रतिनिधी
स नव्या करकरीत मोटारींचें लुकसाण
काणकोण: शुक्रारा कर्नाटकांतल्यान मडगांवचे दिशेन वचपी कंटेनर पिसोणें करमलघांट हांगा रस्त्याचे कुशीक लवंडलो. कंटेनरांत 6 नव्यो करकरीत मोटारींचें लुकसाण जालें. ही घडणूक शुक्रारा सांजवेळा 3.30 वरांच्या सुमाराक घडली.
हो कंटेनर अक्षय तृतियाच्या म्हुर्तार आपल्या गिरायकांक नव्यो मोटरी दिवपा खातीर कर्नाटकांतल्यान गोंयांत येतालो. पिसोणें करमलघांट हांगा एका मोटारीक सायड दितना कंटेनर रस्त्याचे कुशीक गेल्ल्यान तो लवंडलो, आनी कंटेनरांत आशिल्ल्या स नव्या करकरीत मोटारींचें लुकसाण जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
