भांगरभूंय | प्रतिनिधी
15 मेक रमाकांत नायक गांवकार दितले राजिनामो
काणकोण: फाटल्या देड वर्सां सावन काणकोण नगरपालिकेच्या नगराध्यक्षपदाची जापसालदारकी सांबाळपी चावडी प्रभागाचे नगरसेवक रमाकांत नायक गांवकार 15 मे दिसा नगराध्यक्षपदाचो राजिनामो दितले. ते उपरांत हें पद सारा शांबा देसाय हांकां मेळटलें.
काणकोण पालिकेच्या सात नगरसेवकांनी आपले मदीं नगराध्यक्षपद आनी उपनगराध्यक्षपद वांटणी तत्वाचेर वांटून घेतिल्लें. ते प्रमाण आतां हें पद सारा शांबा देसाय हांकां मेळटलें.
2021 वर्सा पालिका मंडळाची स्थापणून जाले उपरांत 1 एप्रील 2021 दिसा सायमन रिबेलो हांणी जाल्यार 26 ऑगस्ट 2022 दिसा रमाकांत नायक गांवकार हांणी नगराध्यक्षपदाची जापसालदारकी सांबाळिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
