भांगरभूंय | प्रतिनिधी
भांगरभूंय । प्रतिनिधी
काणकोणः लोलयें हांगच्या श्री दामोदर विद्यालयाच्या विद्यार्थ्यांनी सेगीत दुसऱ्या वर्सा तालुको पांवड्या वयल्या वेगवेगळ्या सर्तींत बरी कामगिरी करून सगल्यांचे लक्ष ओडून घेतलें. मल्लिकार्जुन विद्यालय- चार रस्ते आनी पैगीण श्रद्धानंद विद्यालय मैदानार जाल्ले सर्तींत तांच्या विद्यार्थ्यांनी जायती इनामां मेळयलीं.
तालुको पांवड्या वयल्या पथनाट्य सर्तींत शाळेच्या पंगडान पयलें इनाम मेळयलें. गोंय मुक्ती संग्रामा वयल्या कापड चित्रकला सर्तींत तांच्या सोहम पागीन पयलो नंबर मेळयलो. डॅर टू ड्रीम ह्या विशया वयले उलोवपाचे सर्तींत आदित्य प्रभू मळयार हाणे पयलो नंबर मेळयलो. गीता पठण सर्तींत शालेय गटांत पयलें इनाम मेळयलें. बॉटल पेंटींग सर्तींत वैष्णवी भगत हिणे पयलें रिचा गांवकार हाणे मेंदी सर्तींत दुसरो नंबर मेळयलो. शाळेच्या हेर विद्यार्थ्यांनी गणित, प्रश्नमंजुषा, वॉलपेपर, हात बरप, पोट्रेट, एकपात्री प्रयोग, मंडला कला, मास्क तयार करप आनी विज्ञान मॉडेल सर्तींत वांटो घेवन बरी कामगिरी करून दाखयली.
मुख्याध्यापक जितेंद्र आमशेकार, शिक्षक पुरूषोत्तम लोलयेंकार, पूनम कासार, दिविता केणी, श्रद्धा देसाय, रिद्धी आचार्य, पद्मा भट, अंजना अंदाकर आनी साहीर पेटकार, आदले विद्यार्थी प्रसन्न सुधीर आनी यशवंत भट हाचें मार्गदर्शन मेळ्ळें. विद्यालयाच्या येसा खातीर दामोदर विद्याप्रसारक संस्थेचो अध्यक्ष विश्वजीत वारीक आनी पालक- शिक्षक संघाची अध्यक्ष अंजली तळेकार आनी वेवस्थापन समितीन परबीं भेटयल्यांत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
