भांगरभूंय | प्रतिनिधी
काणकोणा: काणकोणच्या जवाहर नवोदय विद्यालयाचो धावेचो निकाल 100 टक्के लागलो. ह्या विद्यालयांत प्रयुष प्रवीण फळदेसाय हो विद्यार्थी 95.2 टक्के गूण घेवन पयलो आयलो. ताका 500 तले 476 गूण मेळ्ळे. असमी अरुण विर्डींकार 90.2 टक्के गूण मेळोवन विद्यालयांत दुसरें, जाल्यार मोहक प्रशांत जोतकार हो विद्यार्थी 88 टक्के गुणांनी तिसरो आयलो. केंद्रीय शिक्षण मंडळान घेतिल्ले हे परिक्षेक विद्यालयांतले 79 विद्यार्थी बशिल्ले. तांतल्या 23 विद्यार्थ्यांनी विशेश श्रेणी, जाल्यार 56 विद्यार्थ्यांनी पयली श्रेणी मेळयली.
फाटलीं दोन वर्सां कोवीड म्हामारीक लागून भुरग्यांच्यो ऑनलाईन परिक्षा जाल्ल्यो. दोन वर्सां उपरांत ऑफलायन परिक्षा घेतल्यो. हातूंत विद्यार्थ्यांनी बरें काम केलें, अशी म्हायती विद्यालयाचे प्राचार्य अनिमेश पाल हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
