भांगरभूंय | प्रतिनिधी
काणकोण, प्रतिनिधी: पणसुलें, काणकोणचे व्हिल्सन फर्नांडीस हांकां पिस्तुलाची गुळी लागून मरण आयलें. व्हिल्सन हांचे सकरेव्हाळ हांगा बार आसा. शेनवारा रातच्या वेळार ही घडणूक घडली.
मेळिल्ले म्हायती प्रमाण, व्हिल्सन फर्नांडीस हे एक फामाद ‘कासादोर’ म्हळ्यार शिकारी आशिल्ले. सदां भशेन आपलें पिस्तुल पुसतना चुकून पिस्तुलांतली गुळी तांकां लागल्या आसतली असो अदमास पुलिसांनी उक्तायला.
ह्या प्रकरणांत पुलिसांनी फॉरन्सीक तज्ञां कडेन संपर्क केला. तांचे कडल्यान रिपोर्ट आयले उपरांत फर्नांडीस हांच्या मरणाचें नेमकें कारण कळटलें, अशें पुलिसांनी सांगलां. तशेंच ही घडणूक घातपाताची आसपाक शकना असो अदमास पुलिसांनी उक्तायला.
काणकोणाचे पुलीस निरीक्षक हरिश रावत देसाय हांच्या मार्गदर्शना खाला पुलीस ह्या प्रकरणाचो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
