भांगरभूंय | प्रतिनिधी
काणकोण: चार रस्तो काणकोणच्या श्रीमल्लिकार्जून विद्यालयाची विद्यार्थिनी वैष्णवी दत्तराज कोमरपंत ही धावेचे परिक्षेंत काणकोण म्हालांत पयलें आयिल्लें खातीर काणकोण पालिकेचे आदले नगरसेवक शुभम कोमरपंत हांचे हस्तुकीं तिचो भोवमान केलो.
ह्या वेळार साहित्यीक कमलाकर म्हाळशी, निवृत्त प्राचार्य सुदेश नायक, सूरज कोमरपंत, रघुवीर कोमरपंत, संतोष कोमरपंत, बाबू कोमरपंत आनी योजना कोमरपंत हाजीर आशिल्ल्यो.
4 जुलयाक इनामां भेटवण सुवाळो
चार रस्तो काणकोणच्या श्रीमल्लिकार्जून विद्यालयांत दर वर्सा म्हाल पांवड्यार शालांत परिक्षेंत बरी कामगिरी केल्ल्या विद्यार्थ्यांचो भोवमान करतात. अंदूं हो भोवमान सुवाळो शेनवारा 4 जुलयाक सकाळीं 11 वरांचेर संस्थेच्या सभाघरांत जातलो.
ह्या सुवाळ्याक मुखेल सोयरे म्हूण दक्षीण गोंयचे खासदार कॅप्टन विरिएटो फर्नांडीस, सरकारी उच्च माध्यमीक विद्यालयाचे प्राचार्य दामोदर गांवकार, विद्यालयाचे निवृत्त शिक्षक नेल्वीन फर्नांडीस, श्रीमती कायताना फर्नांडीस, तशेंच संस्थेच्या आम सभेचे अध्यक्ष बाबुसो गांवकार आनी कार्यकारी मंडळाचे अध्यक्ष शंबा नायक देसाय हाजीर रावतले.
जांभळीमळ श्रीस्थळामजगतीं, जांभळीमळ श्रीस्थळा बिबट्यान दहशत मातयल्या. पोशिल्ल्या सुण्यांक मारपाचें सत्र ताणें आपणायलां. जांभळीमळ हांगाच्या कितल्याशाच सुण्यांक ह्या बिबट्यान उबारून व्हेल्यात. सोमारा फांतोडेर 4.30 वरांच्या सुमाराक हो बिबटो पोशिल्ल्या सुण्यांच्या सोदांत आयिल्लो. जांभळीमळ हांगाच्या टॉनी जेकब हांच्या घरांत लायिल्ल्या सीसीटीव्ही कॅमेऱ्यांत तो बंदिस्त जाल्लो.
बिबट्याची दहशत
बैलाक मरण
कुडय खोला हांगा पावस आनी वाऱ्याक लागून वीज प्रवाहीत सरी तुटून पडिल्ल्यान आनी हे सरयेक बैलाचो स्पर्श जाल्ल्यान बैलाक जाग्यारूच मरण आयलें. जनावरांच्या दोतोरान बैलाची मरणा उपरांतची तपासणी केले उपरांत ताका पुरलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
