भांगरभूंय | प्रतिनिधी
पणजी : काणकोण म्हालांतल्या करमल घांटार ओम्नी गाडी आनी प्रवासी बसी मदीं अपघात जालो. ह्या अपघातांत तीग जाण जखमी जाले. जखमी जाल्ल्यां मदल्या एकल्याची भलायकी सामकी गंभीर आसा. ताका फुडल्या उपचारा खातीर मडगांवच्या दक्षीण जिल्लो हॉस्पिटलांत व्हेला.
हे विशीं मेळिल्ले चड म्हायती प्रमाण, कर्मल घांटार ओम्नी गाडयेचे प्रवासी बसीक नेटान धपको बसलो. अपघाता उपरांत जखमींक हॉस्पिटलांत दाखल केले. हातूंत गंभीर जखमी जाल्ल्याक उपचारा खातीर मडगांवच्या दक्षीण गोंय जिल्लो हॉस्पिटलांत दाखल केला. हो अपघात नेमको कसो जालो हाची चवकशी पुलीस करतात.
#Canacona #KarmalGhat #Accident #OmniCar #Bus #Injuries
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
