भांगरभूंय | प्रतिनिधी
प्रदुशण नियंत्रण मंडळान चवकशी करपाची थळाव्यांची मागणी
सांगें: काकोडें -कुडचडें हांगासरल्या घन कोयर प्रक्रिया प्रकल्पाचे कुशीक व्हांवपी एका व्हाळांतल्या उदकांत शेंकड्यांनी नुस्तें मरण आयिल्ले अवस्थेंत सांपडिल्ल्याचो प्रकार थळाव्या लोकांक दिसून आयलो. हो व्हाळ घन कोयर प्रक्रिया प्रकल्पा कुशीक आशिल्ल्यान एखाद्रें रसायनीक द्रव्य उदकांत सोडिल्ल्यान नुस्त्यांक मरण आयिल्ल्याचो दुबाव थळावे नागरीक उक्तायतात.
मजगतीं, प्रदुशण नियंत्रण मंडळान ह्या प्रकरणाची चवकशी करची अशी मागणी थळाव्या लोकां कडल्यान जायत आसा. सद्या पावस सुरू जाल्ल्यान चडणेचें गांवठी नुस्तें खावपाचे वेध लोकांक लागल्यात.
नुस्तें धरपा खातीर थळावे लोक गेले तेन्ना तांचे नदरेक हो प्रकार आयलो. ताका लागून ह्या वाठारांत लोकां मदीं भिरांत पातळ्ळ्या. नुस्त्यांक मरण कशें आयलें असो प्रस्न सद्या चर्चेंत आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
