कांदोळी असोसिएशन उत्तर विभागांत वस्ताद

भांगरभूंय | प्रतिनिधी

कांदोळी असोसिएशनान गोंय क्रिकेट असोसिएशनाच्या (जीसीए) उत्तर विभागीय क गट क्रिकेट सर्तीचें वस्तादपण जोडलें. फायनलींत ताणें सडयें क्रिकेट क्लबाक 7 विकेटींनी हारयलो. फायनल शापोराच्या मैदानाचेर जाली.

सडयें क्लबाचो डाव 127 धांवड्यांचेर सोंपल्या उपरांत कांदोळी असोसिएशनान 3 विकेटी वगडावन 131 धांवड्यो केल्यो. जैतिवंत पंगडा वतीन संजय राठोडान अर्द शेंकड्याची नोंद केली.

इनामां भेटवण सुवाळ्याक गोंय क्रिकेट असोसिएसनाचे स्विकृत वांगडी तुळशीदास शेटये, सिनियर सर्त समन्वयक प्रकाश मयेंकार, मनोर्व्हा क्लबाचे अध्यक्ष निलेश चोडणकार उपस्थीत आशिल्ले.

थोडे भितर धांवतकटोः सडयें क्रिकेट क्लब, 34.3 ओव्हरींनी सगले बाद 127 धांवड्यो ( दीपेश पेडणेंकार 46, रजत गोल्तेकार 14, राज दाभोळकार 23 धांवड्यो, पंकज राठोड 21-4, मोहित 17-4) हार आड कांदोळी असोसिएशन, 20.1 ओव्हरींनी 3 बाद 131 धांवड्यो (संजय राठोड 51, सागर वाधवानी नाबाद 41 धांवड्यो, उमेश ताते, अभी गांवकार आनी ऋषभ पेडणेंकार दरेकी 1 विकेट).