भांगरभूंय | प्रतिनिधी
पणजी : कळंगूटे दर्यादेग वाठारांत बायलां पर्यटकांचे परवानगे बगर व्हिडियो आनी फोटो काडपी एका पर्यटकाक पुलिसांनी ताब्यांत घेवन प्रतिबंधात्मक कारवाय केली.
हे विशीं मेळिल्ले चड म्हायती प्रमाण, बिरेस्तारा दनपरां सुमार १२.०५ वरांचेर पर्यटन पुलीस पंगड हवालदार अरुण सावंत ह्या वाठारांत गस्त घालतना एका मनशाच्यो दुबावीत हालचाली ताका दिसल्यो. संबंदीत बायल पर्यटकांचे व्हिडिओ आनी फोटो काडटना ताका दिसून आयलें.
पुलिसांनी ताका ताब्यांत घेवन चवकशी केली तेन्ना; तांणी समाधानी जापो दिवंक नात. उपरांत ताचो मोबायल फोन तपासलो तेन्ना तातूंत विवीध बायलां पर्यटकांचे व्हिडियो आनी फोटो दिसले. चवकशे मजगतीं संबंदीतांनी संबंदीत बायलां पर्यटकांचे संमती बगर हे व्हिडिओ आनी फोटो काडिल्ल्याची कबुली दिली.
संबंदीत मनशान आपलें नांव आकाश सरोज (वय ३२), रा. रायबरेली, उत्तर प्रदेश अशें सांगलें. उपरांत संबंदीत मनशाक मोबायल फोना सयत कळंगुट पुलिसांच्या ताब्यांत दिलो. फुडले चवकशे उपरांत पुलिसांनी ताचेर प्रतिबंधात्मक कायद्या खाला कारवाय करून अटक केली.
मजगतीं, पुलिसांनी दिल्ले म्हायती प्रमाण पांच ते स जाणांचो एक गट ३ दिसां आदीं गोंयाञत भोंवपाक आयिल्लो. कळंगुटे सोर्याचे घुवळेंत भोंवत बायलांचे फोटो, व्हिडियो काडटाले. हे सगले घडणुकेक आतां पर्यटक बायलांचे सुरक्षिततायेचो प्रस्न मुखार आयला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
