भांगरभूंय | प्रतिनिधी
म्हापशें, प्रतिनिधी ः कळंगुट पुलिसांनी अंकुश काळे (35, कल्याणनगर, उस्मानाबाद- महाराष्ट्र) हाका ड्रग्स प्रकरणांत अटक केली. ताचे कडल्यान 84 हजारांचो 840 ग्राम गांजो जप्त केला.
शुक्रारा रातीं बोडकेवड, पोरबावाडो कळंगुटांत ड्रग्साची विक्री जावपाची आसा अशी म्हायती सुत्रां कडल्यान पुलिसांक मेळ्ळी. ते प्रमाण पुलीस पंगडान सांपळो रचलो. रातच्या 8.40 वरांचेर दुबावीत ड्रग्स विकपाक तें सुवातेर आयलो तेन्ना पुलिसांनी ताका धरलो. उपरांत तपासणी केली तेन्ना 840 ग्राम गांजो सांपडलो. पुलिसांनी दुबाविता आड अमली पदार्थ प्रतिबंधक कायद्या खाला गुन्यांव नोंद केला.
पुलीस निरिक्षक मिलिंद भुईंबर हांच्या मार्गदर्शना खाला उपनिरिक्षक राजाराम बागकार, हवालदार अमीर गरड, विजय नायक, आकाश नायक आनी संज्योत केरकार पंगडान ही कामगिरी केली. पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
