भांगरभूंय | प्रतिनिधी
पणजी: कला अकादमी आयोजीत पं. मनोहरबुवा शिरगांवकर स्मृती बाल, बायल आनी दादलो कलाकारांची राज्य पांवड्यावेली सर्त फोंडेंच्या राजीव गांधी कला मंदिरांत आयोजीत केल्या. बाल कलाकारांची राज्य पांवड्यार शेनवार ता. 13 ऑगस्टाक दनपारच्या 2.30 वरांचेर, बायलां कलाकारांची राज्य पांवड्यावेली भजन सर्त आयतार ता. 14 ऑगस्टाक सकाळीं 10.30 वरांचेर आनी दादलो कलाकारांची राज्य पांडव्यावेली भजन सर्त सोमार ता. 17 ऑगस्टाक सकाळच्या 10.30 वरांचेर सुरू जातली.
14 ऑगस्टाक बायल कलाकार भजन सर्तीक जोडून सांज वेळार बाल कलाकार आनी बायलां कलाकारांच्या विभागीय आनी राज्य पांवड्यावेले सर्तीचो, तशेंच 15 ऑगस्टाक दादलो कलाकारांचे भजन सर्तीक जोडून सांजचो दादलो कलाकारांचो विभागीय आनी राज्य पांवड्यावेले सर्तीची इनामां भेटवण कार्यावळ जातली.
बाल कलाकारांचें सर्तींत 1. श्री कृष्ण नागझरकर बाल भजनी मंडळ, भोमा-फोंडें, 2. श्री राम सेवा संघ बाल भजनी मंडळ, व्हडलो गट, मयडें, 3. विद्यावर्धक मंडळ, दिवचल, 4. श्री शांतादुर्गा भजनी मंडळ, बांदोडें-फोंडें, 7. संगीत शारदा विद्यालय मंदीर, धाकटें भाट, डोंगरी तिसवाडी आनी 6. स्वरदीप कल्चरल असोसिएशन, आमोणें-दिवचल ह्या पंगडांचो आसपाव आसा.
बायलांचे भजन सर्तींत 1. कण्व किएशन, काणकोण, 2. श्री देव सत्पुरुष महिला भजनी मंडळ, नोरजी-पेडणें, 3. श्री नागेश महारुद्र भजनी मंडळ, कुडका-तिसवाडी, 4. श्री बेताळदेव महिला भजनी मंडळ, तामसुली, खांडोळें-फोंडें, 5. श्री महादेव भुमिका घवनाळेश्वर महिला भजनी मंडळ, साळ-दिवचल, 6. शिवप्रसाद सांतेरी महिला भजनी मंडळ, तुयें-पेडणें, 7. श्री शिव समर्थ सांस्कृतीक मंडळ, वास्को, 8. श्री साई दिगंबर महिला भजनी मंडळ, आसगांव-बार्देश, 9. श्री सांतेरी केळबाय बारावंश महिला भजनी मंडळ, न्यू कॉलनी मोर्ले-सत्तरी आनी 10. श्री सांतेरी प्रासादिक संगीत संस्था, बेतोडें-फोंडें ह्या पंगडांचो आसपाव आसा.
दादलो कलाकार भजन सर्तींत 1. श्री दादामहाराज भजनी मंडळ, बांदोडें-फोंडें, 2. दाडेश्वर मुळवीर कला आनी सांस्कृतीक मंडळ, अमई-पेडणें, 3. श्री नवदुर्गा भजनी संघ, बोरी-फोंडें, 4. श्री भगवती चिंबलकरीण भजनी मंडळ, चिंबल-तिसवाडी, 5. श्री रवळनाथ भजनी मंडळ, न्हावेली, सांखळे, 6. श्री रामपुरुष आदिनाथ भजनी मंडळ, उसगांव-फोंडें, 7. श्री लक्ष्मी भजनी मंडळ, वेलकास, सावयवेरें-फोंडें, 8. श्री शंकरनाथ भजनी मंडळ, चरावणे-सत्तरी, 9. शारदा संगीत विद्यालय, हेडलॅण्ड सडा-वास्को, 10. श्री शांतादुर्गा तळावलीकरीण भजनी मंडळ, गुजराभाट, सांतान तळावली-तिसवाडी, 11. श्री सांतेरी केळबाय कला आनी सांस्कतीक भजनी मंडळ, लाडफें-दिवचल आनी 12. श्री सांतेरी कला आनी सांस्कतीक मंडळ विर्नोडा-पेडणें ह्या पंगडांचो आसपाव आसा.
हे सर्तीच्या आयोजना खातीर राजीव गांधी कला मंदिर, फोंडें हांचें सहकार्य फावो जालां. हे सर्तींत वांटेकार जावपी सगळ्या पंगडांनी आपले सर्ती दिसा सादरीकरणाच्या 1 वरां पयलीं हाजीर रावप गरजेचें. हाची सगळ्या पंगडांनी नोंद घेवची. तशेंच भजन प्रमींनी ह्या तिनाय सर्तींत व्हडा संख्येन हाजीर रावपाचें आवाहन कला अकादमीन केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
