भांगरभूंय | प्रतिनिधी
भांगरभूंय । प्रतिनिधी
बेळगांवः कर्नाटकाच्या हद्दींतल्या एनएच 748एए रस्त्याचे चोर्ला घाटांतल्या रस्त्याचे काम कर्नाटक सरकारान तीन सप्तकां उपरांत परत सुरू केले. ह्या कामाक कर्नाटकाचो बांदकाम मंत्री सतीश जाकीरहोळी हाणे 24 फेब्रुवारीक सुरवात करून दिल्ली. कंत्राटदारान फकत एक सप्तक काम करून तीन सप्तकां आदीं तें बंद केल्लें.
कंत्राटदारान फकत रस्त्यार पडल्लीं फोणकुला पुरोवपा इतलेंच काम केल्लें. कर्नाटकान रस्त्याचें काम सुरू केलां अशें कळटगीर ह्या मार्गा वयले येरादारी वाडल्ली. कर्नाटक बांदकाम खात्याच्या अधिकाऱ्या कडेन खबर काडली तेन्ना कामगार होळये निमतान तांच्या घरा गेल्ल्या कंत्राटदाराक काम थांबोवचे पडलें. हे कामगार परत आयिल्ल्यान बिरेस्तारच्यान कंत्राटदारान जांबोटी हांगा काम परत सुरू केलां अशी म्हायती ताणे दिली.
कर्नाटकांतल्ला हद्दींतल्या 43.35 किलोमीटर लांब रस्तो सारको करून ताचें डांबरीकरण करपा खातीर राष्ट्रीय म्हामार्ग प्राधिकरणान 59 कोटी रुपया मंजूर केल्यात. रस्त्या वयलीं फोणकुला पुरोवपाचें काम पयलीं करतले. रस्त्याक घटाय दितगीर ताचें डांबरीरकण करतले अशें राष्ट्री म्हामार्ग प्राधिकरणचो प्रकल्प संचालक भुवनेश कुमार हाणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
