भांगरभूंय | प्रतिनिधी
सनरायझर्स हैदराबाद फुडारांत जावपी इंडियन प्रिमियर लिगे (आयपीएल) खातीर आपलो मुखेल बदलपाची शक्यताय आसा. एडेन मार्करमान दक्षीण आफ्रिका टी-20 सर्तीचें दोन खेपे वस्तादपण मेळोवन दिलें आसलें तरी आयपीएलांत ताचे सुवातेर ऑस्ट्रेलियेचो मुखेली पॅट कमिन्साक सनरायझर्स हैदराबाद मुखेली करपाक शकता.
हालींच जाल्ले पावणेंत सनरायझर्स हैदराबादान कमिन्साक 20.50 कोटी दिवन आपल्या पंगडांत घेतिल्लो. कमिन्साच्या फुडारपणाखाला ऑस्ट्रेलिया पंगडान पोरूं अॅशेस माळ राखली, संवसारीक टॅस्ट वस्तादपण सर्त जिखली, तशेंच भारतांत जाल्ले संवसारीक वन डे क्रिकेट सर्तीचो किताब लेगीत मेळयिल्लो.
मुखेली बदलपाचो निर्णय फाटल्या दोन हंगामाचें प्रदर्शन पळोवन करपाक शकता. तशेंच कमिन्स आनी डॅनिएल व्हितोरी हांचें इक्वेशन पळोवन लेगीत हो निर्णय घेवपाची शक्यताय आसा. व्हितोरी हो सध्या ऑस्ट्रेलियेच्या पंगडाचो सहाय्यक बॉलर प्रशिक्षक आसा, जाल्यार हैदराबादाचो मुखेल प्रशिक्षक आसा.
फाटल्या दोन हंगामांनी मार्करमाच्या फुडारपणाखाला खाला हैदराबादाक म्हणपा सारकें येस मेळूंक नाशिल्लें. 2022त हैदराबाद आठवे आनी 2023त 10वे सुवातेर आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
