भांगरभूंय | प्रतिनिधी
पणजी : आषाढी एकादशी निमतान पंढरपुराक वचपी सगळ्यो वारी सध्या बर्योच नेटान तयारेक लागल्यात. पंढरपुरचे वारीक वारकरी, भाविकांची व्हड गर्दी जायत आसता. गोंयच्यानूय व्हडा प्रमाणांत वारकरी, भावीक पंढरपुरचे दिकेन चलत वतात. भाविकांची जावपी गर्दी लक्षांत घेवन कदंबा येरादारी महामंडळान गोंय ते पंढरपूर विशेश गाडयांची वेवस्था केल्या. २४ आनी २५ जुलय अशे दोन दीस गोंयच्या विंगड विंगड सुवातां वेल्यान ह्यो बसी सुट्टल्यो.
गोंय ते पंढरपूर कदंबा बसीची तिकेट ५०० रुपया.
कदंबा बसीचें वेळापत्रक
२४ जुलय
८.४५ वरांचेर मडगांव – पणजी – म्हापशें – पेडणें
११ वरांचेर वास्को – पणजी – म्हापशें – पेडणें
१२ वरांचेर मडगांव – फोंडें – मोलें – बेळगांव
२५ जुलय
६.३० वरांचेर पणजी – म्हापशें – पेडणें – सावंतवाडी
८.४५ वरांचेर मडगांव – पणजी – म्हापशें – पेडणें
११ वरांचेर वास्को – पणजी – म्हापशें – पेडणें
११ वरांचेर पणजी – म्हापशें – सांखळे – बेळगांव
१२ वरांचेर मडगांव – फोंडें – मोलें – बेळगांव
१४.५० वरांचेर पणजी – म्हापशें – पेडणें – सावंतवाडी
चड म्हायती खातीर कदंबा येरादारी महामंडळाच्या लागींच्या तिकेट विक्री केंद्राचेर संपर्क करचो वा वास्को : ९२२६५५८२२४६, फोंडें : ९२२६५८२२५१, मडगांव : ९२२६५८२२४५ ह्या नंबराचेर संपर्क करचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
