भांगरभूंय | प्रतिनिधी
बालासोर, खबरां संस्था ः भारतान बुधवारा ओडिशाच्या दर्यादेगेवेल्या जुंव्या वयल्यान सुपरसॉनिक मिसाइल असिस्टेड रिलीज ऑफ टारपीडो (स्मार्ट) ह्या पाणबुडी झुज प्रणालीची येसस्वी उड्डाण चांचणी केल्या अशें एका संरक्षण अधिकाऱ्यान सांगलें.
सकाळीं 8.30 वरांचे सुमाराक ग्राउंड मोबायल लाँच वयल्यान ही प्रणाली सुरू केल्ली. संरक्षण अधिकाऱ्यान सांगलें, हे चांचणेंत समिती वेगळेपण, गती नियंत्रण अशा जायत्या मापदंडांचीय चांचणी केल्या आनी ताचे परिणाम बरे आसात. ‘स्मार्ट’ ही एक अत्याधुनीक क्षेपणास्त्र आदारीत हलकी टोरपीडो वितरण प्रणाली आसून, तिची डिझायन आनी विकसित संरक्षण संशोधन आनी विकास संघटणेन (डीआरडीओ) केल्या.
संरक्षण मंत्री राजनाथ सिंह हांणी ‘स्मार्ट’ च्या उड्डाण चांचणे खातीर डीआरडीओची तोखणाय केली. हे प्रणालीचे उदरगतीक लागून नौदलाचें बळगें आनीक वाडटलें अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
