भांगरभूंय | प्रतिनिधी
मेलबर्न, खबरां संस्था ः अस्तंत ऑस्ट्रेलियेचे दर्यादेगे वयल्यान बिरेस्तारा शंबरां परस चड लांब पांखां आशिल्ले ‘पायलट व्हेल’ (देवमाशे) दर्यांत सोडले. जाल्यार 29 जाणांक मरण आयिल्ल्याचें अधिकाऱ्यांनी सांगलें.
डन्सबरो लागसारच्या टोबी इनलेटांत शंबरां परस चड लांब पांखां आशिल्ले व्हेल आडकून पडल्यात अशें ऑस्ट्रेलियेच्या पार्क्स अँड वाइल्डलाइफान एका निवेदनांत म्हणलां. ही खबर कळ्ळें उपरांत रानां अधिकारी, दर्या शास्त्रज्ञ आनी पशुवैजकी तज्ञांचो पंगड थंय पावलो. डन्सबर्ग हें पर्थचे दक्षिणेक 285 किलोमीटर अंतराचेर दर्यादेगे वयलें शार. मेल्ल्या व्हेलांचीं मड्यांक लागून शार्क आकर्शीत जावचे न्हय म्हूण उदकांतल्यान तांकां भायर काडले. तारवटी आनी एक स्पॉटर प्लेना वरवीं व्हेल दर्यादेगेर परतून आयल्यात काय ना तें पळोवपा खातीर नियंत्रण दवरताले पार्क्स अँड वाइल्डलाइफ सर्व्हीसच्या अधिकाऱ्यांनी सांगलें.
व्हेल धडेर आडखळून कित्याक पडटात हाचें कारण अजून शास्त्रज्ञांक मेळूंक ना. पूण देंवती आशिल्ल्या रेंवट दर्यादेगाक लागून ते आडकून उरतात अशें दिसून आयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
