भांगरभूंय | प्रतिनिधी
भांगरभूंय । खबरां मेज
पणजीः मुंबयच्या खारगर वाठारांत आयतारा जाल्ले दुसरे विभागीय आय लीग सर्तींतले मॅचींत स्पोर्टींग क्लब दी गोवाक महाराष्ट्र ऑरेंज एफसी आड 0-3 अशी हार घेवची पडली. हे हारीक लागून आय लिगाचे मुख्य सर्ती खातीर पात्र थारपाचे अपेक्षांक व्हड धपको बसला.
स्पोर्टींगान आपले फाटले मॅचींत लीग गुण तकट्यांत सगळ्यांत वयर आशिल्ल्या एससी बंगळुरूक 4-3 अश्या गोल फरकान हारोवन बरी कामगिरी केल्ली. आयतारा मात ऑरेंज आड तांकां ही कामगिरी परतून एकदां करपाक जाली ना. हे हारीक लागून स्पोर्टींगाचे 12 मॅचींतल्यान 19 गूण कायम आसात. 21 एप्रीलाक तांची फुडली मॅच धेंपो पंगडा वांगडा जातली.
एससी बंगळुरू सध्या 11 मॅचींतल्यान 24 गूण घेवन पयले सुवातेर आसा. एफसी बंगळुरूक युनायटेड एससीन 5-3 असो हारयिल्लो. दुसऱ्या नंबराचेर आशिल्ल्या ह्या पंगडाचे 12 मॅचींतल्यान 20 गूण जाल्यात. धेंपो पंगड 18 गुणां सयत स्पोर्टींगा परस सकयल्या नंबराचेर आसलो तरीय सोमारा धेंपोची मॅच केंकरे एफसी कडेन जातली. स्पोर्टींगान आयतारा मॅचीक सादुरतायेन सुरवात केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
