भांगरभूंय | प्रतिनिधी
पणजी, बातमीदार : कला आनी सांस्कृतीक मंत्री गोविंद गावडे हांचो एक ऑडियो फाटले दोन दीस व्हायरल जाता. मंत्री एका नागरी सेवेंतल्या अधिकार्याक तापयतना आयकूंक येता. मदीं कांय वायट उतरांय दिल्लीं आयकूंक येतात. मात ‘ह्या ऑडिओंत कांयच खरेंपण ना. म्हजे वयले आरोप फटीचे,’ अशें आयज मंत्री गावडे हांणी पत्रकारांक सांगलें.
‘समाजीक जिणेंत जगताना लोकप्रतिनिधींनी जागृत रावप गरजेचें’, अशी प्रतिक्रिया सभापती रमेश तवडकार हांणी सकाळीं दिल्ली.
प्रियोळ मतदारसंघांतले एके सांस्कृतीक कार्यावळी वयल्यान आदिवासी कल्याण संचालक दशरथ रेडकार हांकां मंत्री गावडे हांणी केल्लो फोन कालच्यान व्हायरल जाला.
ह्या ऑडिओंत मंत्री गावडे, ‘म्हज्या मतदारसंघांतले कार्यावळींतल्यान आपल्याक तशेंच थळाव्या लोकप्रतिनिधींक मुद्दाम आपोवंक ना हें कळ्ळां. ही गजाल तुमी मुख्यमंत्री डॉ. प्रमोद सावंत आनी सभापती रमेश तवडकार हांकां वचून सांगात. अशेच एके कार्यावळींत आदिवासी कल्याण खात्याक ‘उटा’ चळवळीचो उगडास नाशिल्लो. तेन्ना हांव ओगीच राविल्लों. मात आतां ओगी बसचों ना.’ अशेंय मंत्री गावडे म्हणटा तें ऑडिओ क्लिपांत आयकुपाक येता.
हेंय वाचात…
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
