भांगरभूंय | प्रतिनिधी
एससीसी लोटलीन आंतोनियो रिबेलो फुटबॉल सर्त जिखली. कुडटरीच्या खेळां आनी युवा वेव्हार संचालनालयाच्या मैदानाचेर जाल्ले मॅीचंत ताणें वेर्णा स्पोर्ट्स क्लबाक टायब्रेकरांत 6-5 अशा गोल फरकांनी हारयलो.
निर्धारीत वेळाच्या खेळांत दोनूय क्लब गोलाविणें बादाबाद उरिल्ल्यान निकाल लावपाक टायब्रेकराचो आदार घेवचो पडलो. टायब्रेकरांत लोटली वतीन शेलफोर्ड, रॉयसी, स्टिव्ह, आर्यन, डॅरेन आनी हॅन्सन हाणें गोल केले, जाल्यार वेर्णा स्पोर्ट्स क्लबा वतीन आंद्रूस, जॉस्ली, हिल्टन, सायरस आनी रोमारियो हाणें गोल केले.
हेर वैयक्तीक इनामां अशींः शेलफोर्ड फर्नांडीस (फायनलींतलो पयलो गोल आनी सर्तींतलो उत्कृश्ट खेळगडो, एससीसी लोटली), जुझे सिल्वेरा (फायनलींतलो उत्कृश्ट गोलकीपर, वेर्णा स्पोर्ट्स क्लब), इग्नॅतियस डिसिल्वा (फायनलींतलो उत्कृश्ट डिफॅण्डर, एससीसी लोटली), अझय सतरकार (उत्कृश्ट मिडफिल्डर, वेर्णा स्पोर्ट्स क्लब), आंद्रूस जॉन (फायनलींतलो खेळगडो, वेर्णा स्पोर्ट्स क्लब), इफारेम रावत (फायनलींतलो उत्कृश्ट स्ट्रायकर, एससीसी लोटली), सायरस नोरोन्हा (सर्तींतलो उत्कृश्ट डिफॅण्डर, वेर्णा स्पोट्स क्लब), आंच नायक (सर्तंतलो उत्कृश्ट गोलकीपर, एससीसी लोटली), राय स्पोर्टिंग (सर्तींतलो शिस्तीचो पंगड).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
