एमसीसी, पणजी जिमखानाची जैतान सुरवात

भांगरभूंय | प्रतिनिधी

पणजी जिमखानान आयोजीत केल्ले बांदोडकार करंड टी-20 क्रिकेट सर्तींतले उक्तावणाचे लीग लडतींत एमसीसी आनी पणजी जिमखानान जैतां मेळयलीं.

बांदोडकार क्रिकेट मैदानाचेर खेळयिल्ले पयले मॅचींत एमसीसीन धेंपो क्रिकेट क्लबाक 2 धांवड्यांनी हारयलो. जाल्यार दुसरे एकवटेन जाल्ले मॅचींत पणजी जिमखानान चौगुले स्पोर्ट्स क्लबा आड 8 विकेटींनी जैत जोडलें.

पणजी जिमखानान चौगुले स्पोर्ट्स क्लबाचो डाव फकत 74 धांवड्यांचेर सोंपयलो. ताच्या फकत आयुष वर्तकाक दोट्टी आंकडो हुपपाक जमलो.

आयज सकाळीं धेंपो क्रिकेट क्लब आनी जिनो क्रिकेट क्लब हांचे मदीं मॅच जातली. जाल्यार दुसरी मॅच दनपारां पणजी जिमखाना आनी साळगांवकार क्रिकेट क्लब हाचे मदीं जातली.

थोडे भितर धांवतकटोः एमसीसी, 20 ओव्हरींनी 7 बाद 148 धांवड्यो (अभिनव तेज राणा 30, सनत नेवगी 11, समर दुभाषी 36, योगेश कवठणकार 17, व्हाय वासू नाबाद 28 धांवड्यो, हेरंब परब 1-31, शुभम तारी 1-45, मोहम्मद शरीम 2-29, पुनीत मिश्रा 2-19, विकास सिंग 1-21) जैत आड धेंपो क्रिकेट क्लब, 20 ओव्हरींनी 9 बाद 146 धांवड्यो ( अझान थोटा 22, कौशल हट्टंगडी 13, सोहम पानवलकार 30, बिकास सिंग 31, दीप कसवणकार 24 धांवड्यो, फॅलिक्स आलेमांव 5-28, पी तपस्वी 2-32, राहुल मेहता 1-26, कौस्तुभ पिंगुळकार 1-31).

चौगुले स्पोर्ट्स क्लब, 15.3 ओव्हरींनी सगले बाद 74 धांवड्यो (आयुष वर्तक 29 धांवड्यो, अमित यादव 3-10, रोहन राजे 2-9, हेरंब परब 2-14, समीत मिश्रा, सोहराब धालिवाल आनी शुभम देसाय दरेकी एक विकेट) हार आड पणजी जिमखाना, 10.5 ओव्हरींनी 2 बाद 78 धांवड्यो (इशान गडेकार 45, शिवेंद्र भुजबळ नाबाद 26 धांवड्यो, जगदीश पाटील आनी सनिकेत पालकार दरेकी एक विकेट).