भांगरभूंय | प्रतिनिधी
पणजी ः एमआयडीसी लोटे हांगा रोलिंग स्टॉक कंपोनेंट फॅक्टरी प्रकल्पा खातीर भरती करपा संबंदी दिशाभूल करपी म्हळ्यार चुकीची म्हायती पातळायतात अशें कोंकण रेल्वे कॉर्पोरेशन लिमिटेड (KRCL) हांच्या लक्षांत आयलां. पूण कोंकण रेल्वेन एमआयडीसी लोटे खातीर अशी कसलीच भरती अधिसुचोवणी जारी करूंक ना अशें स्पश्ट केलां.
कोंकण रेल्वेची सगळी अधिकृत भरती अधिसुचोवणी सदांच www.konkanrailway.com ह्या अधिकृत संकेतथळार घालतात. कोंकण रेल्वे भरती संबंदीत अद्ययावत म्हायती खातीर फकत ही अधिकृत संकेतथळाक भेट दिवची. फटीच्या आनी चुकीच्या जायराती पसून सादूर रावचें असो उलो कोंकण रेल्वेन केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
