भांगरभूंय | प्रतिनिधी
फिट्स येवप, आंकडी, मिरगी अशा नांवांनी एपिलेप्सी ह्या दुयेंसांक वळखतात. एपिलेप्सी आनी ताचे कडेन संबंदीत खंयचोय विकार सुरवातेच्या टप्प्यार अचूक जाल्यार दुयेंतींक योग्य ते उपचार मेळपाक मजत जाता.
आमच्या समाजांत एपिलेप्सी विशीं आशिल्ले गैरसमज पळयल्यार कळटा, ह्या दुयेंसां विशीं आनीक जागृताय निर्माण करपाची गरज आसा.
एपिलेप्सी विशींचे गैरसमज पयस करात
एपिलेप्सी हें दुयेंस देशांत लांखांनी लोकां मदीं पळोवपाक मेळटा. हो एक न्यूरोलॉजिकल डिसॉर्डर जावन आसा. तकलेक दूख जावप, मेंदवाचो संसर्ग, स्ट्रोक, ब्रेन ट्यूमर, अल्झायमर रोग, मेंदूची विकृती आनी आनुवंशीक पुर्वस्थिती अशे घटक एपिलेप्सीक कारण थारतात. हें दुयेंस सगळ्या पिरायेच्या लोकां मदीं दिसून येता.
एपिलेप्सी हो एक न्यूरोलॉजिकल डिसॉर्डर, जातूंत परत परत झटके येतात.
एपिलेप्सींत विंगड विंगड स्वरूपांत झटके येतात, दरेकल्याची वेगळीं लक्षणां. हांतल्या मोटार स्किल्सांत असामान्य हालचाली, स्नायूंचो उणाव वा खरपणां आनी स्नायू मुरगळप हांचो आसपाव आसपाक शकता. हातूंत नॉन -मोटर स्किल्सूय जाणवपाक शकता. जशें संवेदनाक्षम जावप, भावनीक, वैचारीक वा सामान्य हालचालींचो उणाव दिसून येवपाक शकता.
एपिलेप्सीचे प्रकार तरणाट्यां मदीं चड दिसून येतात आनी पिराये प्रमाण तें परत परत जावपाचें उणें जाता. न्हिदेचो उणाव, ताण, सोरो पियेवप वा घुवळे वखदांचो वापर, जोर येव, हार्मोनल बदल, पुश्टीक वा विशिश्ट वखदांक लागून ही समस्या जाणवपाक शकता.
एपिलेप्सी हो मेंदूच्या असामान्य क्रियेक लागून जाता
न्यूरोलॉजिकल डिसॉर्डर आशिल्ल्यान ताका लागून जायते फावट डिप्रेशन आनी मानसीक ताणाक तोंड दिवचें पडटा. एपिलेप्सीक मानसीक रोगांत वर्गीकरण करचें न्हय. एपिलेप्सी आशिल्ल्या लोकांचे गुणवत्तेचेर ताचो परिणाम जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
