भांगरभूंय | प्रतिनिधी
अयोध्या, खबरां संस्था: एनसीईआरटीन बारावी यत्तेच्या पॉलिटिकल सायन्स पुस्तकाच्या अभ्यासक्रमांत कांय बदल केल्यात आनी इतिहासीक घडणुकांचो उल्लेख केला. अयोध्या वादाचेर इतिहास चार पानांतल्यान दोन पानांनी उणो केला. बाबरी मशिदीचो उल्लेख टाळून ताचे बदला ‘तीन घुमट आशिल्लो ढाचो’ असो उल्लेख केला. तशेंच अयोध्या प्रकरणांत भाजपाची सोमनाथ ते अयोध्या रथ यात्रा, कारसेवकांची भुमिका, बाबरी मशिद पडले उपरांत निर्माण जाल्ली हिंसा, भाजपा सत्तेर आशिल्ल्या राज्यांत राष्ट्रपतीची सत्ता आनी १९९० वर्साच्या हिंसाचार उपरांत भाजपान उक्तायिल्ली खंत अयोध्याचो उल्लेख ह्या प्रकरणांचो उल्लेख ह्या धड्यांत केला.
खंयचे बदल जाल्यात?
बाराव्या शेंकड्यांतल्या एका पोरण्या पुस्तकांत सोळाव्या शेंकड्यांत मोगल सम्राट बाबर हाचो सेनापती मीर बाकी हाणें बाबरी मशिदी बांदिल्ल्याचो उल्लेख मेळटा. हो संदर्भ बदलून आतां १५२८ वर्सा श्रीरामाच्या जल्मस्थानाचेर तीन घुमटांचो ढाचा उबारलो असो उल्लेख मेळटा. पूण हे छप्पराचेर भितर आनी भायर हिंदू देवदेवतांची आकृती स्पश्ट दिसताल्यो, अशें म्हणलां.
फेब्रुवारी १९८६ त फैजाबाद (सद्या अयोध्या) जिल्लो न्यायालयान मशिदीचीं दारां उक्तीं करपाची परवानगी दिल्या उपरांत दोनूय वटांनी जाल्ले चळवळींचो तपशील आदल्या पुस्तकांत दिल्लो. तशेंच सामुदायीक हिंसाचार, रथयात्रा, १९९२ वर्सा मशिद कोसळ्ळी आनी जानेवारी १९९३ त जाल्ल्या हिंसाचाराची म्हायती दिल्ली.
नव्या पुस्तकांत हे संदर्भ वगळ्ळ्यात. अयोध्या वादाचो उल्लेख एकाच भागांत आयला. १९८६ वर्सा फैजाबाद जिल्लो न्यायालयान तीन घुमटांचें पांखें उगडपाचो आदेश दिलो. देखून लोकांक थंय प्रार्थना करपाची संद मेळ्ळी. ही तीन घुमटां भगवान रामाच्या जल्मस्थानाचेर बांदिल्लीं अशें मानतात. राममंदिराचो बुन्यादी फातर घालो, पूण राममंदिराची फुडली बांदावळ करपाक बंदी घाली. हिंदू समाजाक हाचो हुस्को आशिल्लो. मुसलमान समाज ही इमारत ताब्यांत घेवपाची मागणी करतालो. जमनीच्या हक्का विशीं दोनूय समाजां मदीं तणाव वाडले उपरांत ही केस न्यायालयांत गेली. १९९२ वर्सा ह्यो वास्तु कोसळ्ळ्या उपरांत जायत्या समिक्षकांनी ताचो अर्थ भारतीय लोकशायेच्या तत्वांचेर घालो असो केलो, असो उल्लेख ह्या वांट्यांत केला.
अयोध्या वादाचेर सर्वोच्च न्यायालयान दिल्ल्या निकालाचोय उल्लेख नव्या पुस्तकांत केला. ९ नोव्हेंबर २०१९ दिसा सर्वोच्च न्यायालयाच्या खंडपिठान ही जमीन हिंदू पक्षांची असो निकाल दिलो. पोरन्या पुस्तकांत ७ डिसेंबर १९९२ दिसा उजवाडाक आयिल्ल्या खबरांची कात्रणांय दिल्यांत. हे बातमेचें माथाळें, बाबरी मशिदीचे पडलो, केंद्रान कल्याण सरकाराक केलें बरखास्त. तशेंच १३ डिसेंबर १९९२ दिसाचें एक कात्रण आशिल्लें. जातूतं भाजपाचे फुडारी अटलबिहारी वाजपेयी हांणी, अयोध्येंत भाजपाचें गणित चुकलें अशें म्हणिल्लें. नव्या पुस्तकांतल्यान हीं कात्रणां काडल्यांत.
एनसीईआरटीचो अभ्यासक्रम २०१४ त चवथे खेपे बदल्ला. हे नवे बदल एप्रीलांतच जाहीर जाल्ले. ताज्या घडामोडींचो आस्पाव करून अभ्यासक्रमांत दुरुस्ती करतले अशें एनसीईआरटीन सांगलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
