भांगरभूंय | प्रतिनिधी
म्हापसा : एकोशेच्या अनंत साळगांवकार हांचे घर चोरांनी फोडून सुमार ४.५० लाख रुपयांच्यो भांगरा वस्ती चोरल्यो. घरांतले आल्मारींत आशिल्ल्या भांगरा वस्तींचेर चोरांनी हात मारलो.
ही चोरयेची घडणूक सोमारा दनपरां २ ते सांजेवेळार ५ वरां मजगतीं घडली. घरांत भितर सरतना चोरांनी कसलेच तरेचे मोडतोड केल्ल्याचें दिसूंक ना. हाका लागून चोर नेमके घरांत कशे भितर सरले हें कळूंक ना.
घर धनी साळगांवकर हे पर्यटक टॅक्सी वेवसायीक. ते प्रवासी भाडें घेवन गेल्ले. घरांतले हेर लोकूय आपापल्या कामा खातीर भायर सरिल्ले. जाल्यार घरांत आशिल्ली बायल घर बंद करून पर्वरी बाजारांत गेल्ली.
ती घरांत परतल्या उपरांत घरांत चोरी जाल्ल्याचे समजलें. चोरांनी घरांतली आलमार कोयत्यान फोडली आनी भितरलें तिजोरेंतलें सगलें भांगर घेवन पळ्ळे. चोरी जाल्ल्या भांगरा वस्तींची किंमत सुमार साडेचार लाख आशिल्ली.
हे विशीं म्हायती मेळटांच पर्वरी पुलिसांनी घडणुके सुवातेर वचून पंचनामो केलो. घर धनी गोंयां भायर आशिल्ले. हाका लागून ते काल कागाळ दाखल करपाक उपलब्ध नाशिल्ले. तांणी आयज, मंगळारा १९ तारखेर पुलिशेंत कागाळ केली. फुडलो तपास पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
