भांगरभूंय | प्रतिनिधी
प्रवीण आर्लेकार: कोरगांवां स लाख रुपया खर्चून हे बांयची दुरुस्ती
कोरगांव: उदरगतीच्या कामां खातीर आपलें सदांच प्राधान्य आसतलें. एकमेकांच्या सहकार्यान गांवची उदरगत करुया. टप्प्या टप्यान उरिल्लीं सगळीं उदरगतीचीं कामां हातांत घेतले. ताका लागून ग्रामस्थ आनी पंचायत मंडळान सहकार्य करचें, अशें आमदार प्रवीण आर्लेकार हांणी कोनाड कोरगांव हांणी सांगलें. उदकास्रोत खात्या वतीन देउळवाडो कोरगावच्या श्री कमळेश्वर देवस्थानांतले बांयचे दुरूस्तीचो शुभारंभ आमदार आर्लेकार हांचे हस्तुकीं जाल्या उपरांत ते उलयताले. स लाख एकोणीस हजार रुपया खर्च करून हे बांयची दुरुस्ती केल्या.
ह्या वेळार गावचे सरपंच समिल भाटलेकार, उपसरपंच कल्पिता कलशांवकार, थळावी पंच अनुराधा कोरगांवकार, अब्दुल नायक, देविदास नागवेंकार, निता नर्से, लौकीक शेटये, दिवाकर जाधव, श्रीकमळेश्वर देवस्थानाचे अध्यक्ष गुरुनाथ प्रभू, आनंद शेटये, प्रभाकर शेटये, कृष्णा गावडे, सुरेंद्र गावडे, शेखर देसाय, देवानंद गावडे, नरेश कोरगांवकार, पेडणें उदकास्त्रोत कार्यालयाचे अधिकारी सत्यवान नायक आनी ग्रामस्थ व्हडा संख्येन हाजीर आशिल्ले.
सरपंच समील भाटलेकार हांणी हें बांयक लागून हांगचो उदकाचो प्रस्न कांय प्रमाणांत सुट्टलो अशें तांणी म्हणलें.
देवस्थानाचे अध्यक्ष गुरुनाथ प्रभू हांणी हे बांयक लागून ह्या वाठारांत माड, दुदी आनी हेर शेतीचें पीक व्हडा प्रमाणांत घेवपाक मेळटलें.
देवस्थानाचे सचीव कृष्णा गावडे हांणी ह्या वेळार आपले विचार मांडले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
